Dollari amerikan ka arritur një rekord të ri në tregun valutor këtë të premte. Sipas të dhënave të Bankës së Shqipërisë një dollar po këmbehet mesatarisht me 119.46 lekë, ose rreth 3 lekë më shumë se euro që sot, këmbehet me 116 leke
Kjo është vlera më e lartë që prej 2017, duke u rritur me 12.6 lekë krahasuar me fillimin e vitit. Rritja është edhe më e lartë nëse e krahasojmë me të njëjtën periudhë të një viti më parë, kohë kur dollari këmbehej me 103-104 lekë.
Këtë forcim të monedhës amerikane përballë euros dhe lekut ekspertët e lidhin me kërkesën e lartë që është në treg për dollar, me qëllim për të importuar mallra nga jashtë.
Kërkesa e lartë vjen për shkak se çmimet referencë të mallrave në bursë kuotohen në dollarë, sidomos karburanti, që gjatë këtij viti ka njohur një shtrenjtim të fortë, ndikuar nga lufta në Ukrainë, dhe ndërprerja e furnizimeve me gaz të Evropës nga Rusia
Forcimi i dollarit i bën edhe më të shtrenjta produktet që ne importojmë, pasi tregtarëve do t’u duhen më shumë lekë në dispozicion për të blerë të njëjtën sasi mallrash. Konkretisht nëse për të blerë 1000 dollarë në fillim të vitit duheshin mesatarisht 106 mijë lekë, tashmë të duhen mbi 119 mijë lekë.
KËMBIMI I DOLLARIT
23 shtator 2021 103.45 lekë
Janar 2022 106.86 lekë
23 shtator 2022 119.46 lekë
Lajme të tjera
-
Zhvlerësimi i valutave, nuk solli rënie çmimesh! Eksperti: Produktet e importuara duhet të ishin më të lira! Nuk ulen prej oligopoleve dhe evazionit
17 Dhjetor 2023, 11:17
-
Forcohet dollari ndaj lekut, euroja humb terren
8 Nëntor 2023, 15:50 -
Dollari dhe Euro humbasin pikë ndaj Lekut, Banka e Shqipërisë: Luhatjet në kurs, efekt sezonal
6 Gusht 2020, 20:03
