POP 5

Lajmet më të lexuara të 5 minutave të fundit

Ekonomi

Rekordi, borxhet e këqia
arrijnë një miliard dollarë

Në muajin janar kanë qenë 18.9 për qind kreditë problematike, në raport me ato në total, për 29 ditët e shkurtit kjo shifër ka kaluar në 19.1 për qind. Kështu, aktualisht, për herë të parë në historinë e sistemit bankar privat, kreditë me probleme kalojnë kuotën e 1 miliardë dollarëve amerikanë, të konvertuara në valutë të huaj.
Rekordi, borxhet e këqia <br />arrijnë një miliard dollarë
TIRANË - Shoqata Shqiptare e Bankave ka publikuar të dhënat paraprake të ecurisë së sistemit bankar gjatë muajit shkurt, gjatë të cilti ka vijuar të thellohet problemi i borxheve të këqia. Ndërkohë që në muajin janar kanë qenë 18.9 për qind kreditë problematike, në raport me ato në total, për 29 ditët e shkurtit kjo shifër ka kaluar në 19.1 për qind. Kështu, aktualisht, për herë të parë në historinë e sistemit bankar privat, kreditë me probleme kalojnë kuotën e 1 miliardë dollarëve amerikanë, të konvertuara në valutë të huaj.

LETRAT ME VLERE
Në ankandin e rradhë, të zhvilluar dje në mjediset e Bankës së Shqipërisë për llogari të ministrisë së Financave, është shënuar një rritje e interesit për obligacionet 3-vjeçare, nga ajo që synonte qeveria. Në njoftimin paraprak të dikasterit thuhej se kuponi vjetor për këtë interes mendohej të ishte në nivelin 8.65 për qind, ndërkohë që janë paraqitur më pak kërkesa nga operatorët dhe individët, duke bërë që ky interes të fiksohej përfundimisht në 9.01 për qind në vit. Në njoftimin zyrtar për ankandin thuhet se, nga 3 miliardë lekë obligacione, që synonin të shisnin Financat, në fakt janë shitur vetëm 2.749.150.000 lekë. Në këtë mënyrë, interesi është rritur me të paktën 4 për qind, nga ajo çka ishte dakord të pranonte qeveria.

BORXHI I BRENDSHEM
Ankandet e fundit të bonove të thesarit, deri në fund të muajit të kaluar, u duk se qetësuan pjesërisht tregun e brendshëm financiar, duke sjellë një stabilizim të interesave dhe ofertë disi më të lartë për të financuar borxhin e kërkuar nga qeveria. Me obligacionet me maturim 2-vjeçar qeveria arriti të siguronte të gjithë borxhin e kërkuar prej 3 miliardë lekësh, ndërkohë që oferta për financim kaloi vlerën e 4 miliardë lekëve. Interesi ra në 8.59%, nga 8.7% që kishte qënë në ankandin paraardhës.
I suksesshëm rezultoi edhe ankandi për bonot me maturim 12-mujor. Qeveria arriti të marrë një borxh prej rreth 10.1 miliardë lekësh, vlerë kjo më e lartë se shuma e shpallur dhe që plotësoi një pjesë të borxhit që nuk u arrit të sigurohej në ankandin e mëparshëm. Oferta për financim arriti gjithsej në 12.4 miliardë lekë. Interesi njohu një rritje mjaft të lehtë në 7.34%, nga 7.32% që kishte qënë në ankandin paraardhës. Por, ndërkohë qeveria nuk arriti të siguronte me sukses edhe borxhin prej 4.7 miliardë lekësh që ishte programuar të merrej përmes bonove me maturim 6-mujor. Vlera e borxhit të siguruar u ndal në 4.2 miliardë lekë, ndërsa interesi mesatar i ponderuar u rrit në 6.2%, nga 6.08% që kishte qënë në ankandin paraardhës.
U duk se ankandet e fundit zbutën disi shqetësimin për vështirësitë e sigurimit të borxhit në tregun e brendshëm, por pasiguria në treg nuk ka ndërmend të largohet. Një pjesë e grupeve të huaja bankare ju kanë kërkuar bankave të tyre të kufizojnë ekspozimin në borxhin publik, si pjesë e një strategjie gjithëpërfshirëse, pas krizës së borxheve sovrane në Eurozonë. Kjo do të rezultojë sërish me një ulje potenciale të ofertës në tregun e letrave të borxhit të qeverisë.

ANKANDI
Ndërkohë, ministria e Financave njoftoi se ditën e martë, më datë 12 prill, do të zhvillohet ankandi i bonove 6-mujore dhe 12-mujore. Shuma e përgjithshme e synuar për bonot me afat 6-mujor maturimi është 7.5 miliardë lekë, ndërsa ajo e bonove njëvjeçare është 10.2 miliardë lekë, në total një shumë e barabartë me rreth 127 milionë euro.


(aq/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

VIDEO/ Napoli rikthehet në krye të Serie A, Lukaku mposht 1-0 Romën! Ranieri rikthim me humbje

VIDEO/ Napoli rikthehet në krye të Serie A, Lukaku mposht 1-0 Romën! Ranieri rikthim me humbje

24 Nëntor, 20:13