POP 5

Lajmet më të lexuara të 5 minutave të fundit

Kronikë

Rekrutimi i të rinjve për Forcat e Armatosura në Vlorë, kapiteni Kaja: Është rritur interesi, mundësi për t’u bërë pjesë e misioneve të NATO-s

Fushata promovuese e Ministrisë së Mbrojtjes për rekrutimin e të rinjve që duan të bëhen pjesë e Forcave të Armatosura, pati ndalesën e radhës në Vlorë. Me një ftesë drejtuar të rinjve nga mosha 18-27 vjeç, kapiten Edison Kaja tha se kjo është një mundësi e mirë për ata që duan të bëhen pjesë e misioneve të NATO-s.

Me moton “Ti ke forcë që nderon Kombin”, në mbarë vendin ka nisur aktiviteti me ekspozita dhe informacione për rekrutimin e të rinjve nga mosha 18-27 vjeç që kanë dëshirë të zgjedhin një karrierë profesioniste pranë Forcave të Armatosura.

Në ndalesën e radhës të fushatës promovuese organizuar nga Ministria e Mbrojtjes në Vlorë, kapiten Edison Kaja u shpreh se ka patur një rritje të interesit të të rinjve për t’u bërë pjesë e nismës.

“Aktiviteti jonë ka filluar në qytetin e Elbasanit, ka vijuar në Korçë, sot jemi në qytetin e Vlorës por do të jemi dhe në shumë qytete të tjera për të informuar të rinjtë dhe të reja nga mosha 18-27 vjeç se si mund të bëhen pjesë e FA duke u punësuar si ushtarë/detarë aktiv, por, jo vetëm kaq si oficer apo për të ndjekur studimet jashtë vendit në vendet aleate me të cilët ne kemi bashkëpunim. Fakti që ne kemi marrë kontakte e ka rritur interesin e tyre për t’u bërë pjesë e forcave të armatosura”, tha Kaja.

E nisur në Elbasan fushata e rekrutimit të të rinjve me arsim 9-vjecar, të mesëm apo të lartë do të jetë e hapur deri më 20 janar 2022. Rreth 400 vende janë të lira sot pranë FA për ushtarë dhe detarë aktivë që duan të bëhen pjesë e Ushtrisë Shqiptare dhe FA përkrah trupave të NATO-s. 

/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ledio Goseni: 04/01/2022 17:49

    Si mund te regjistrohesh

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56