POP 5

Lajmet më të lexuara të 5 minutave të fundit

Ekonomi

Remitancat kapin rekordin e 15 viteve, arritën 677 mln euro në 9 muaj! Dërgesat e emigrantëve ndihmojnë familjet përballë çmimeve të larta

Shqiptarët po i përballojnë çmimet e larta me ndihmën e të afërmve të tyre emigrantë. Sipas të dhënave të Bankës së Shqipërisë në nëntë muajit e këtij viti emigrantët kanë sjellë në vend 677 milionë euro, shifra më e lartë që prej vitit 2008.

Rritja e diasporës shqiptare po shton remitancat në vend muaji pas muaji. Sipas të dhënave të Bankës së Shqipërisë, dërgesat e emigrantëve në tremujorin e tretë të vitit arritën në vlerën 233 milionë euro që është shifra më e lartë e dërguar në sezonin veror që prej vitit 2008 kur janë raportimet e para të bankës për këtë fenomen.

Referuar shifrave zyrtare, në tremujorin e tretë të vitit që përkon me muajit e sezonit veror remitancat u rritën me 17 milionë euro ose rreth 8% në krahasim me të njëjtën periudhë të vitit të kaluar. Por nga ana tjetër vlera e remitancave mund të jetë më e lartë, pasi ka emigrantë që zgjedhin që paratë për familjarët e tyre ti sjellin cash dhe jo nëpërmjet kanaleve formale.

“Gjatë periudhës është vërejtur rritje jo vetëm e kanaleve formale (sistem bankar), por edhe e prurjeve në cash”, thuhet në raportin e BSH.

Ndërkohë në total brenda 9 muajsh emigrantët kanë sjellë për të afërmit e tyre 677 milionë euro, ose rreth 58 milionë euro më shumë se e njëjta periudhë e vitit të kaluar. Përsëri këtu është arritur rekordi i 15 viteve, pasi dërgesat e emigrantëve asnjëherë nuk kanë qenë më të larta se kaq në 9 muaj.

Kjo rritje e remitancave tregon se familjarët që punojnë jashtë vendit po kontribuojnë në përballimin e çmimeve nga të afërmve të tyre në Shqipëri, e nga ana tjetër dëshmon edhe për shtimin e numrit të emigrantëve.

Sipas Bankës Botërore remitancat janë jetike për mijëra familje, dhe ato vijnë kryesisht nga Greqia, Italia, Gjermania, Zvicra dhe ShBA.

Në total prej vitit 2008 deri më tani emigrantët kanë sjellë në vend 10,948 mld euro.

REMITANCAT NË SHQIPËRI
Janar-Shtator 2023       677 milionë euro
Janar-Shtator 2022        592 milionë euro
Rritja                               +58 mln euro

M.Q./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eri: 12/12/2023 15:11

    Pa remittances as Shqiperia nuk do rezistonte

    Përgjigju
    • 1991: 13/12/2023 02:03

      Pse 1944-1991 kishte remitanca? Shqiperia vetëm kur te mbeten 99% budallenj bie se pushuari si shtet deri atëherë me apo pa remitanca vazhdon cikli? Vertet mendon qe 1990-1991 apo perpara 3.2 mil njerez rrinin kot ? Te gjithe ne pune te gjithe te varfer te gjithe te patrajnuar por kishte deridiku industri (pervec turizmi qe lulezoj pas 91’ ose me sakte pas 2010, remitanca eshte vetëm % keqmenaxhim qe beri shteti per faktorin PUNE ne industri etj etj

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Vuçiç: Sa të jem unë president, nuk do ta njoh kurrë Kosovën

Vuçiç: Sa të jem unë president, nuk do ta njoh kurrë Kosovën

25 Dhjetor, 21:43