Renditja/ Korabi fiton 5-1 kundër Luzit në ndeshjen e prapambetur, Kategoria e Parë mëson skuadrat që luftojnë për elitën

Renditja/ Korabi fiton 5-1 kundër Luzit në ndeshjen e prapambetur, Kategoria e Parë mëson skuadrat që luftojnë për elitën

Festa e Korabit

DIBËR - Kategoria e Parë e futbollit në Shqipëri zhvilloi ndeshjen e prapambetur mes Korabit dhe Luzit (java 30), me fitoren e skuadrës dibrane 5-1. Në stadiumin e Peshkopisë djemtë e Kumbarçes nuk e vendosën në diskutim suksesin duke shënuar me Kasallën dhe Çemën në minutat 31 dhe 35.

Për të rihapur duelin mendoi Patrik Treni që në shtesën e pjesës së parë ktheu në gol një penallti për Luzin. Në fraksionin e dytë vendasit u kujdesën të shënonin dy herë me Markun në të 48' si edhe Kasallën, për dopietën e këtij të fundit. Në fund kishte vend edhe për golin e Reçit.

Me këtë sukses Korabi ngjitet në kuotën e 43 pikëve në vendin e gjashtë dhe siguron zonën e promovimit tre ndeshje nga fundi i sezonit. Zyrtarisht AF Elbasani dhe Bylis janë në Superligë, teksa Flamurtari, Vora, Apolonia dhe Korabi do luftojnë në zonën e promovimit për një vend në Superligë.

Në fundin e renditjes Tomori i ka dhënë lamtumirën Kategorisë së Parë dhe nga sezoni i ri do luajë në të Dytën. Ndërkohë që Luzi i parafundit është ende në garë për të shpëtuar nga rrëzimi në tre ndeshjet e mbetura.

Përkohësisht Burreli dhe Besa shkojnë në ndeshjen shtesë që do bëjë të kenë një shans për të shpëtuar sezonin.

Korabi 5-1 Luzi 2008 (Kasalla 31', 70', Cema 35', H. Marku 48', H. Reçi 90' / P. Treni 45+2' (p))

Renditja:

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Barazimi me Kroacinë, mendoni se Kombëtarja kalon grupet e Euro 2024



×

Lajmi i fundit

‘A je shqiptar a? Momente gazmore mes tifozëve dhe gazetarit të Report Tv në Hamburg

‘A je shqiptar a? Momente gazmore mes tifozëve dhe gazetarit të Report Tv në Hamburg