Rëndohet gjendja në Kosovë, 10 të vdekur dhe 224 raste të reja me COVID-19

Foto ilustruese

KOSOVË- 224 raste të reja të infektuarish me COVID-19 janë regjistruar gjatë 24 orëve të fundit dhe 10 persona kanë vdekur në Kosovë. Drejtori i Institutit Kombëtar të Shëndetësisë Publike, Naser Ramadani njoftoi se këto shifra dolën pas 434 testimeve.

Gjatë 24 orëve të fundit po ashtu janë shëruar 152 persona, duke bërë që në total numri i të shëruarve të arrijë në 4,730. Sipas shifrave të fundit, numri i vdekjeve arrin në 236. Ndërkaq, numri i përgjithshëm i të infektuarve ka shkuar në 8,554.

Ai tha se numri i përgjithshëm i pacientëve me COVID-19 apo që dyshohet se janë të prekur nga kjo sëmundje, e që janë të shtrirë në QKUK dhe spitalet rajonale është 599. Prej tyre, 257 janë të shtrirë në klinikat e Qendrës Klinike Universitare dhe 342 në spitalet rajonale dhe gjendja është shumë e rënduar.

Nga pacientët e shtrirë, 39 janë vënë në respiratorë dhe 15 pacientë janë të intubuar. Ndërkaq, 370 pacientë të tjerë kanë nevojë për trajtim të vazhdueshëm me oksigjenoterapi.

Ministri i Shëndetësisë, Armend Zemaj, tha se duke parë rritjen e rasteve me koronavirus ditëve të fundit, tha se autoritetet do të ashpërsojnë masat për të frenuar përhapjen e mëtejmë të virusit. Ministri Zemaj po ashtu njoftoi se po punohet që të ndërtohet një spital portativ, ku do të trajtohen vetëm personat me COVID-19.

E.D./Shqiptarja.com
  • Sondazhi i ditës:

    Gjyqtarë e prokurorë në 'sitë', a jeni dakort me rezultatet e deritanishme të procesit të vettingut?

Komento


×

Lajmi i fundit

John

I mbijetuar i Holokaustit, kush është arkitekti i shquar hebre që u rikthye në Shqipëri dhe ndërtoi falas memorialin në Tiranë