Janë njësitë elitë të policisë shqiptare dhe greke, RENEA dhe EKAM, në stërvitjen e tyre të përbashkët përfundimtare.

Në këtë simulim, një autobus u mor peng me pasagjerët në bord.

Ndërhyrja e RENEA-s dhe EKAM është e shpejtë. Në pak çaste agresori dhe bashkëpunëtorët përfundojnë në pranga. 

Ceremonia përmbyllëse e trajnimit të përbashkët 1-javor u zhvillua në repartin e RENEA-s, ku e pranishme ishte edhe ambasadorja greke në Tiranë, Konstantina Kamitsi. Për ministrin e Brendshëm Besfort Lamallari, ky trajnim është shumë më tepër se një stërvitje.

“Është bashkëpunim, ndarje përvoje dhe një besim që rritet mes jush, duke dëshmuar se Policia e Shtetit dhe policia greke mund të fuqizojnë më tej bashkëpunimin për të adresuar sfidat e përbashkëta", tha ministri Besfort Lamallari. 

Lamallari shprehu angazhimin për të forcuar bashkëpunimin mes policisë shqiptare dhe homologëve grekë.

"RENEA dhe EKAM, në rastin e homologëve grekë, të cilët janë shëmbëlltyra e misionit fisnik të policive të të dy vendeve, të cilët sigurisht arrijnë deri në sakrificë për të garantuar rendin dhe sigurinë e qytetarëve dhe të rajonit", vijoi Lamallari. 

Sfidat si krimi i organizuar, terrorizmi dhe krimet transnacionale kërkojnë bashkëpunim të ngushtë mes vendeve, sidomos në kontekstin e integrimit europian. Bashkëpunimi me grekët është shëmbëlltyrë e angazhimit.

 

R.Xh/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 12 Mars, 14:12

    PS rrëzon kërkesën e SPAK për arrestimin e Ballukut, si e vlerësoni?

Lajme të tjera