Ditën e diel, në zgjedhjet vendore të zhvilluara në Kosovë, Albin Kurti mori përgjigjen që priste që prej ditës kur fitoi zgjedhjet parlamentare. Mbështetja e gjerë që i patën dhënë zgjedhësit në Kosovë në atë kohë, ishte mirëkuptimi për narrativën nacionaliste dhe etikën e revolucionit me duar të pastra që ai rrëfente prej kohësh. Duke shfrytëzuar ndjenjën e ligjshme të çdo bashkësie për drejtësi historike dhe përmbysje të sistemit shtypës të pasunarëve politikë apo duke vizatuar kapitalizmin fisnor dhe të egër si shkakun e lëngimit në varfëri në Kosovë dhe duke e paraqitur veten si « luftëtari i mbramë » kundër Serbisë, ai arriti që të bindë një shumicë të konsiderueshme në vendin e tij se tani Kosova do të çlirohej nga Serbia dhe nga korrupsioni, se tani Kosova do të bënte drejtësi dhe luftë me cilindo që do t’i dilte përpara, qofshin ato edhe SHBA-të.
Kjo narrativë naive dhe qesharake nuk besohej në Shqipëri, por ishte një argalisje e mirë për ta përplasur këtë hero të betejave pa luftë me Edi Ramën, të cilin narrativa e Bashës, Berishës dhe Metës nuk e mundte dot. Ndaj, në studiot ku bëhet ahengu politik në Tiranë Albini u pa si një dem i mirë për ta përplasur me bezen e kuqe që valëviste në ajër Edi Rama sa herë përlasej me kundërshtarët politikë. Albini, jo vetëm që e pranoi këtë sfidën e demit, por u sul në arenën e hapësirës politike të Tiranës duke u bërë karagjozi perfekt i narrativës së tij dhe në zgjedhjet politike të 25 prillit marshoi vetë në Tiranë për të sjellë « ndryshimin » duke vendosur një rekord banal në marrëdhëniet e shqiptarëve të Shqipërisë me ata të Kosovës dhe duke u shfaqur si kryeministri më qesharak që shqiptarët kishin njohur ndonjëherë.
Ndërkaq narrativa e tij ishte një ushqim i mirë për llogjet në ahengjet që zhvillohen darkave në tv-të e Tiranës dhe tani Albini kishte filluar të mbillte fidanë edhe në Tiranë.
Topikat e ligjërimit politik në Tiranë e në Prishtinë, në përjgithësi, dhe në pjesën më të madhe nuk përfillin vendin dhe kohën ku jetojnë shqiptarët. Të gjithë harrojnë se kur ne marrim fjalën në publik, por sidomos kur politikanët marrin fjalën në publik, ata mund ta zhvendosin kohën dhe vendin e tyre ose në të shkuarën ose në të ardhmen dhe mund ta përfshijnë vendin e tyre ose në bashkësinë e vendeve të tjera, pra, të komunitetit ku bën pjesë, ose mund ta izolojnë dhe ta zhvendosin atë me anë të ligjërimit në epokat historike. Një nga cilësitë e dallueshme të narcizistëve politikë është zhvendosja e kohës dhe e vendit në të shkuarën dhe projektimi në një të ardhme që nuk ekziston. Albini u bë zëdhënësi i një narrative të tillë dhe me ato që artikulonte përziente kohën e Rilindjes anakronike me puritaizmin politik të Enver Hoxhës. Narcizizmi i tij naiv mbështetej e mbështetet te etnocentrizmi primitiv që është realizuar te ne nga Enver Hoxha i cili, në doktrinën e tij, përfillte vetëm forcat e veta dhe i shpallte të gjithë ata që ishin jashtë tij si armiq dhe kapitalizmin si gjakpirje të popullit. Albini herë shfaqej si karikaturë e këtij modeli dhe herë si hero i trishtuar, por gjithmonë i paqartë dhe narcizist. Se çfarë katrahure bëri ai me aleatët tanë të mëdhenj ia kanë vënë në dukje të gjithë, se çfarë kaosi shkaktoi në drejtimin e vendit e panë vetë shqiptarët e Kosovës. Ajo që mbeti e pandryshuar deri në fund ishte narrativa e tij narciziste dhe kujdesi për të eleminuar gjithë traditën e qeverisjes në Kosovë.
Ndaj kjo që ndodhi në Kosovë në zgjedhjet vendore ndoshta është eksperimenti i fundit që bëhet atje nga udhëheqës që ndërtojnë narrativa narciziste, që joshin sidomos egoizmin dhe arrogancën e shqiptarëve. Ato tregojnë edhe njëherë se sëmundja më e madhe e shqiptarëve është fodullëku idiot dhe mungesa e përunjësisë, inati dhe cmira. Të gjithë ata që hyjnë në politikë apo që shfaqen si komentatorë të saj, në radhë të parë, kujdesen që të luftojnë kundër atij apo asaj që e urrejnë, që e përçmojnë. Shqiptarët që angazhohen në ligjërimin publik më së shumti kujdesen që të shkatërrojnë shqiptarët kundërshtarë dhe jo të zhvillojnë vendet e tyre. Por narrativa e Albinëve të Prishtinës dhe atyre të Tiranës ishte prova e fundit që tregoi se jemi ende larg për t’u shfaqur si një komb i madh që ka synime të jetë pjesë e Europës duke ndërtuar një ligjërim europian që mbështetet te sfidat e së sotmes dhe përpiqet që të përfitojë nga liria dhe integrimi. Kjo pjesë e politikanëve dhe e Albinëve të Prishtinës dhe të Tiranës kanë si ankth të parë eleminimin e kundërshtarëve shqiptarë me anë të narrativës që mbështetet te nacionalizmi banal i së shkuarës dhe te ligjërimi etnocentrist i Enver Hoxhës.
Zgjedhësit në Kosovë u treguan Albinëve të Prishtinës dhe atyre të Tiranës se kjo narrativë jo vetëm që nuk i bind, por i neverit.
Komente
Lajme të tjera
-
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
Vrasja e 14 vjeçarit, Flutura Açka: U harrua thelbi i familjes po endet drejt spektaklit! Urgjente hapja e shkollës së riedukimit
24 Nëntor, 12:22 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Vrasja e Martinit, nesër Burgjet vendosin ku do transferohet 14 vjeçari i arrestuar
24 Nëntor, 10:58
-
Tiranë/ Organizonin baste dhe lojëra fati, vihen në pranga 6 persona
24 Nëntor, 09:55 -
'Ishin 2 autorë!' Vrasja e Martinit, flet babai i 14-vjeçarit të plagosur: Prindi i fëmijës bën mirë ta dorëzojë vetë! Djali im në intubim, ka 5 plagë në trup
24 Nëntor, 09:20 -
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13
Z. Yzeiri shkruan: 'narrativa e Albinëve të Prishtinës dhe atyre të Tiranës ishte prova e fundit që tregoi se jemi ende larg për t’u shfaqur si një komb i madh që ka synime të jetë pjesë e Europës duke ndërtuar një ligjërim europian që mbështetet te sfidat e së sotmes dhe përpiqet që të përfitojë nga liria dhe integrimi'. Shume interesant ky konstatim. Z. Yzeiri eshte teknikisht i sakte kur thote se nuk jemi komb i madh, por askush nuk pretendon se jemi te atille. Por nese anashkalojm zgjedhjen e nxituar te fjaleve dhe analizojm thelbin e konstatimit, se gjoja zhvillimet e fundit politike tregojn se kombi shqiptar nuk po tregon synime per integrim, atehere kjo eshte teresisht e gabuar. Zgjedhjet lokale ne Kosove sapo treguan se qeverisja dhe vendimet politike te Kurtit u ndeshkuan fuqishem. Me sa kuptohet, shqiptaret e Kosoves nuk i'a falen Albinit vendimin e tij te tmerrshem per te mos pranuar ndihmen me vaksina qe i ofroi qeveria Rama, as lojen populiste qe po ben kunder nismes ekonomike 'Ballkani i Hapur', as nuk rane preh e lojrave pseudo-patriotike me nderhyrjet ne Mitrovice qe perfunduan duke i dhene kontrollin doganor paqeruajtesve nderkombetar, dhe keshtu me radhe. Eshte e vertet se gabuan ne zgjdhjet parlamentare duke bsuar premtimet e Kurtit, por gabime te tilla i kane bere edhe votuesit ne SHBA me Trump, britaniket me Brexit, etj. Por mjaftuan vetem 8 muaj qeverisje te LVV-se qe shqiptaret e Kosoves te kuptonin dhe te ndeshkonin populizmin dhe karakterin egoist te Albinit. Dhe ky eshte nje tregues i shume i mire i pjekurise politike ne Kosove. Nderkohe, ne Shqiperi kete vit u rikonfirmua forca politike qe, pavaresisht se ka mjaft te meta dhe jo pak hajdute ne radhet e saj, mbetet partia e vetme e madhe ne Shqiperi qe ka vertetuar se eshte nje reformuese serioze dhe qe po e shtyn vendin ne drejtimin e duhur sidomos me reformn ne drejtesi. Komb i madh? Per momentin jo... Por jemi padyshim komb qe synon integrimin europian dhe qe ndeshkon forcat regresive me vote pavaresisht nivelit te lart te keqinformimit nga nje gazetari qe nuk eshte aspak ne nivelin e duhur moral. Kritika e pergjithshme per gaztarine nuk i drejtohet z. Yzeiri, por disa analisteve qe kuptohen se jane servila te pafytyre, te peshtire, te disa politikaneve qe jane padyshim pergjegjes per rrenim ekonomike, per vella-vrasje nder shqiptar, per rrenim te sistemit te drejtesise, per tradheti kombetare, dhe per shume krim te tjera. Pavaresisht infektimit mendor qe i behet shoqerise nga analiste pa integritet dhe nga fushata keqinformuese virtuale te disa komentuesve dhe portaleve shqipfoles antishqiptare (qe nuk ngurrojn as te shkaktojn vdekje njerezish me teori anti-vaksine), SHQIPTARIA PO PERPARON!
Përgjigju