POP 5

Lajmet më të lexuara të 5 minutave të fundit

Sociale

Rënia e nivelit të ujit në Koman, turistët detyrohen të notojnë për në lumin e Shalës! Guida turistike: KESH të hapë portat e HEC-it

Niveli i ujit në Koman ka rënë në një nivel që nuk mbahet mend ndonjëherë. Turistët që vizitojnë Lumin e Shalës janë të detyruar ta përshkojnë liqenin me not, pasi varkat nuk mbërrijnë në breg. Guidat turistike kërkojnë të hapen portat e hidrocentralit për të lehtësuar lëvizjen e turistëve.  

Edhe pse jemi në muajin shtator, lumi i Shalës vijon të jetë i frekuentuar nga turistët. Megjithatë, prej një jave ky udhëtim është kthyer në një aventurë sfiduese për vizitorët. Rënia e nivelit të liqenit të hidrocentralit të Komanit ka bërë që udhëtarët të detyrohen të hyjnë në ujë, pasi është e pamundur që rruga të përshkohet nga varkat.

Për guidat turistike, kjo situatë ka krijuar probleme të mëdha për vizitorët, të cilët shpesh përballen me vështirësi. Ata kanë kërkuar ndërhyrjen urgjente të institucioneve për hapjen e portës së liqenit, gjë që do të sillte rritjen e nivelit të ujit dhe do të lehtësonte lundrimin.

“Ka rënë ndjeshëm kuota në liqenin e Komanit. Është bërë aventurë e rrezikshme për të shkuar e për të ardhur në Lumin e Shalës sepse ka dhe të moshuar. I lutem autoriteteve të marrin masa. Ka një javë që është ulur kuota e liqenit. Është një metër e gjysmë poshtë normales. Është shumë e vështirë për ne dhe turistët”, tha Mond Çela, guidë turistike.

Lumi i Shalës, i njohur për bukurinë e tij mahnitëse dhe natyrën e paprekur, përshkon Alpet Shqiptare duke krijuar një peizazh të rrallë dhe tërheqës për vizitorët. I njohur shpesh si "Tajlanda e Shqipërisë" për ujin e tij të kristaltë dhe nuancat e gjelbra dhe blu të thella, lumi ofron një përvojë të veçantë për ata që duan të eksplorojnë natyrën dhe të shijojnë qetësinë. Gjatë verës, lumi kthehet në një destinacion të preferuar për turistët, të cilët mund të shijojnë lundrimin me varka ose notin në ujërat e tij të freskëta. Përreth lumit shtrihen male të larta, të cilat i japin zonës një karakter të egër dhe madhështor.

G.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu