Rënie e fortë ditore e euros në këmbimet valutore në Tiranë

Rënie e fortë ditore e euros në këmbimet valutore në Tiranë

Foto ilustruese

Euro ka shënuar një rënie të fortë ditore dje në tregun e brendshëm të këmbimit valutor. Sipas kursit zyrtar të këmbimit, një euro u këmbye me 127.92 lekë, me një nënçmim prej 0.82 lekësh në krahasim me ditën e mëparshme. Kjo është rënia e dytë më e lartë ditore që prej 21 marsit dhe është jashtë tendencës normale, duke treguar për lëvizje të mëdha në treg. Ekspertët e këmbimit valutor nga agjencitë dhe bankat nuk arritën të shpjegonin se pse ndodhi ky nënçmim kaq i lartë, ndërkohë që faktorët që në afatgjatë mbajnë euron të dobët janë po ato, fluksi i lartë i eurove informale që po kanalizohen në ndërtim, të hyrat zyrtare nga turizmi si dhe efektet e deuroizimit, të ndihmuara dhe nga rënia e euros në bursat ndërkombëtare javët e fundit.

Ekspertët e agjencive valutore pohuan se ka pasur një fluks të shtuar prej turistëve, por që gjithsesi nuk shpjegon tkurrjen e madhe ditore. Nga ana tjetër, qarkullimi i lekut sipas tyre është në minimum, dhe kjo bën që edhe një ofertë e vogël e shtuar e valutës të ketë efekt të lartë në nënçmimin e euros. Nga ana tjetër, bankierët pohojnë se në plan janë disa konvertime të mëdha kapitali të bankave nga euro në lekë, çka do të ndikojë në kahun nënçmues të monedhës së përbashkët, ndonëse nuk konfirmohet nëse ato kanë ndodhur aktualisht apo jo.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin