Këngëtari kosovar, Feronit Shabani i njohur emrin artistik si “Fero”, ka bërë një postim në profilin e tij në “Instagram” ku njofton se ka vendosur që të heq dorë përfundimisht nga muzika. Postimin e pazakontë të tij, Fero e ka shoqëruar edhe me një fotografi ku shihet me mjekër dhe duke treguar pendesën e tij për këngët dhe jetën që bënte dikur.

“Përshëndetje miq , deshta t’ju njoftoj se kohëve të fundit kam pasur disa sfida në jetën time , të cilat me ndihmën e Allahut i kam kalu. Unë kam vendosur që përfundimisht të largohem prej muzikës, arsyeja kryesore është se kohëve të fundit kam studiuar rreth Fejës Islame dhe më është bërë e çartë se muzika është e ndaluar në islam. Për këtë arsye kam vendosur që ta lë muzikën dhe t’i përkushtona fejës islame dhe familjes time.

Unë dua t’ju njoftoj se falem 5 herë në ditë, dhe pendohem te Allahu Krijuesi i gjithësisë për çdo këngë që e kam kënduar

Dhe çdo tekst që e kam shkruar, pastaj i kërkoj falje familjes time dhe gjithëkujt që i kam bë padrejtësi , ju kërkoj që t’ma bëni hallall.

Unë kam një mesazh për çdo kënd që dëgjon këngët e mija le t’i fshin ato këngë ose mos t’i dëgjon asniher, le të largohet nga kjo gjë e kotë.

Secili njeri është i lirë të zgjedh mënyrën se si ta jeton jetën e tij.

Gjithashtu ju thërras të gjithë juve që të falni namazin ndiqni shembullin tim të udhëzimit dhe të largoni nga shembulli i devijimit

E di se do të ketë njerëz që do t’më paragjykojnë , do të thonë se a e dini se çfarë mëkate ke bë etj etj mirëpo mua më mjafton fjala e Allahut të Lartësuar:  “Thuaj: “O robërit e Mi, ju që e keni ngarkuar veten me shumë gabime, mos e humbni shpresën ndaj mëshirës së Allahut, se vërtet Allahu i fal të gjitha mëkatet.”

Ez Zumer 53. Me respekt Feronit Shabani.”- shkruan Fero.

Kujtojmë se pak kohë më parë, reperi i njohur, Fero Fera është akuzuar nga bashkëshortja e tij Arbenita Ismajli se është dhunuar dhe e kërcënuar me jetë. Ata janë prindër të një vajze që quhet Ina.