Reperi i njohur i revoltuar për vrasjen e 18-vjeçares: Del një i prishur në tru e këput si lule pa çelur mirë

Ditën e djeshme, 18 vjeçarja Marigona Osmani është vrarë në mënyrë makabër në kulmin e rinisë nga dora e bashkëjetuesit dhe shokut të tij. Vrasja e saj ka prekur zemrat e të gjithëve, ndërsa së fundmi ka reguar edhe reperi i njohur Gold AG.

Përmes një postimi në InstaStory, Gold AG ka shprehur revoltën e tij, ndërsa shkruan se ditët e sotme është dëshirë e madhe për të pasur vajza, por një problem për t’iu siguruar atyre mbrojtje, sepse del një i prishur në tru dhe e këput si lule akoma pa u çelur, duke iu referuar kështu vrasjes së Marigona Osmanit.

“Qef me pas qikë e zor me rujtë qikë, del një i prishur n’tru e n’zemër e këput si lule hala pa qelë. Edhe në fund të gjithë e shajnë laperin e vrasësin. Por për fat të keq Islamin e muslimanin. Ma shumë ju pengon namazi në rrugë se droga në shtëpi e shkolla”, shkruan reperi.

LEXO EDHE:
‘NATO e ka gjithmonë një sy mbi Ballkanin’/ Ekspertja: Ja kur do të anëtarësohet Kosova në aleancë

Marigona Osmani, 18 vjeç u la ditën e djeshme e vdekur përpara derës së spitalit në Ferizaj. Ajo dyshohet se është dhunar për vdekje nga bashkëjetuesi Dardan Krivaqa dhe shoku i tij, Arbër Sejdiu. Policia ka shpallur në kërkim Dardan Krivaqën, ndërsa shoku i tij është arrestuar.

Lajmi kryesor:

Kosovë/ E la të vdekur në derën e spitalit, arrestohet bashkëjetuesi i 18-vjeçares! Familjarët e shokut: Parandaloi një vrasje të dytë, autori bashkëpunoi me policinë! I ati i viktimës: S'e dinim të shkuarën e tij!

SI.E./Shqiptarja.com

TAG:
• kosove
• ferizaj
• Gold Ag
• dardan krivaqa
• marigona osmani
• Arbër Sejdiu