Teksa në Kuvendin e Berishës po votohej shkarkimi i Lulzim Bashës nga drejtimi i PD-së, ajo që ishte e paqartë ishte se çfarë do të ndodhë pas përfundimit të punimeve të këtij Kuvendi?
Sali Berisha, i pyetur nga gazetari i Report Tv Arsen Rusta nëse do të shkonte në seli sot është përgjigjur se ajo është e Partisë Demokratike dhe jo e Bashës.
"Kjo shënon mrekullinë e dytë më të madhe në historinë e lirisë së këtij kombi. Triumf i revolucionit paqësor në momentet më dramatike të vendit. Asgjë nuk pengon djem dhe vajzat, burrat dhe gratë e lirë, për tu bashkuar sot në rithemelimin e PD dhe pluralizmit politik shqiptar. Mesazh më in bukur, më i madh, më i fuqishëm që ata i dërgojnë sot të gjithë shqiptarëve gjithandej, ua dërgon miqve tanë konservator", tha Berisha.
Po ashtu edhe Kreu i Këshillit Kombëtar të PD-së, Edi Paloka u shpreh se ata nuk do të marrin asgjë me dhunë dhe se "është fundi" nëse në selinë e PD kanë frikë nga demokratët. Të njëjtin qëndrim pati edhe Luçiano Boçi, i cili opsionin e marshimit drejt selisë së PD, e quajti 'skenar imagjinar'. Megjithatë, pavarësisht këtyre deklaratave, PD u blindua nga forca të shumta policie.
Kryetari i Komisionit të përkohshëm të ngritur nga Kuvendit Kombëtar të PD Belind Këlliçi gjatë fjalës së tij i ka bërë thirrje kryeministri Edi Rama të largojë makinat e policisë nga selia e demokratëve.
Ai tha se PD nuk ka nevojë të mbrohet nga policë dhe se këto janë provokime të ulëta që nuk i shërbejnë askujt.
“Kam një thirrje drejtuar Edi Ramës. Jemi informuar që makina policie ndodhen rreth selisë së PD. PD e mbrojnë vetëm dy rojet Papi dhe Iliri. I bëj me dije kryeministrit që nuk ka nevojë të mbrohet selia e PD. PD është e demokratëve dhe nuk ka nevojë të mbrohet nga askush. T'i lënë këto provokime te ulëta se nuk i shërbejnë njeriu.”, tha Këlliçi.
Edvin Kulluri ka përjashtuar mundësinë që delegatët do të shkojnë në selinë blu, duke e quajtur si një skenar i Edi Ramës.
“Referendumi është firma më e shkarkimit të Bashës. Se ai është zgjedhur me parimin 1 anëtarë 10 vota. PD është një organizatë e madhe politike dhe qëllimet po arrihen nga dita në ditë, Basha është mbajtësi i letrave dhe i vulës së PD, asgjë më shumë se kaq. Delegatët një pjesë kanë shkuar në shtëpi, ndërsa sa për policinë dhe Edi Rama, të rrinë larg PD, lirisë së fjalës”, tha Kulluri.
Në Selinë e Partisë Demokratike sicc duket i druhen trazirave. Raportohet se forca të shumta policie kanë rrethuar në një perimetër të gjerë Selinë e PD.
Shtatë furgona policie janë vendosur në hapësirën e sallës së seancave plenare, që është ngjitur me godinën e PD. Ndërkohë që furgonë të tjerë ka edhe ngjitur me Xhaminë e Namazgjasës.
Deputeti i PD-së, Luçiano Boçi ka theksuar se nuk do të ketë marshim drejt selisë së PD në rast se në Kuvend votohet pro shkarkimit të Lulzim Bashës. Sipas Boçit, skenari i marshimit është imagjinar dhe se me shkarkimin e Bashës do të procedohet sipas rregullave.
"Nuk do të ketë marshim drejt selisë së PD, këto janë skenarë imagjinare, ne do vijojmë sipas procedurave të rregullta që edhe largimi të jetë procedural, këto skenare janë lançuar qëllimisht për të prishur këtë atmosferë të festës së PD-së", tha ai.
Përgjigjes nëse do të shkojnë apo jo në selinë e PD, pas punimeve në Kuvend, Edi Paloka nuk i dha asnjë përgjigje të qartë, por tha se është fundi nëse në selinë blu kanë frikë nga demokratët. Ai u shpreh se ata nuk do të marrin asgjë me dhunë dhe se vendimet e dala sot nga Kuvendi i Berishës, duhet t'i zbatojnë të gjithë.
"Nëse në selinë e PD kanë frikë nga demokratët, ky është fundi pastaj, ne nuk marrim asgjë me dhunë, nuk ka nevojë. Kuvendi i mori vendimet e tij, të gjithë kanë detyrimin t'i zbatojnë. Kuvendin do ta njohin patjetër", tha ai.
Lajme të tjera
-
Asgjë e re nga fronti i Perëndimit për të korruptuarit dhe “non gratat”
19 Prill, 10:34
-
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56 -
Ktheu deputetët e përjashtuar në grupin e PD, Basha kallëzon në SPAK Nikollën: Cënoi interesin e vendimmarrjet e partisë
18 Prill, 08:59 -
I dha PD-në Berishës, gjyqtari Agron Zhukri me 1 miliard lekë pasuri, përballet me bilance negative në vlera të mëdha në KPK
17 Prill, 21:54
-
Basha: Aleanca e fshehur kundër SPAK ka dalë hapur! Prokuroria e Posaçme e vetmja që po lufton korrupsionin
17 Prill, 16:14 -
Afera ‘Partizani’/ Kërkuan lirinë, Apeli i GJKKO i rrëzon sërish, lë në arrest shtëpie Sali Berishën dhe dhëndrin Malltezi
17 Prill, 14:15 -
Edhe Bardhi ‘la jashtë’ Berishën nga grupi i PD-së? Nikollës s’i çoi një listë deputetësh! Analisti: Pse s’i kërkoi llogari Kuvendit! Meçe: Situata absurde
16 Prill, 21:53 -
Asambleja voton pro anëtarësimit të Kosovës në KiE, Rama: Hap historik dhe i drejtë, i dha çka i takonte! Basha: Ditë e madhe për shqiptarët
16 Prill, 21:09 -
Basha nga Strasburgu: Asambleja e KiE votoi propozimin për konfiskimin e aseteve ruse, do përdoren për rindërtimin e Ukrainës
16 Prill, 17:38 -
‘Rusia duhet të paguajë për luftën në Ukrainë’, Basha në KiE: Vendimi, si pengese ndaj çdo agresioni
16 Prill, 16:40 -
Basha takon kryetarin e Parlamentit ukrainas: Fitorja e Ukrainës fuqizon kauzën e demokracisë dhe rrit sigurinë europiane
16 Prill, 15:52 -
Berisha jashtë grupit të PD, Kuvendi: Bardhi ktheu vetëm të përjashtuarit gjatë kësaj legjislature, ish-kryeministri s’ka qenë pjesë
16 Prill, 12:36
