Plot 5202 gjoba u vendosën nga policia rrugore e Tiranës të martën, në ditën e parë të aksionit kundër parkimeve të gabuara të cilat zënë hapësirën e rrugëve duke u bërë shkak për trafik të rënduar. Aksioni, i paralajmëruar edhe nga Ministri i Brendshëm, vijoi edhe të mërkurën që prej orëve të para të mëngjesit.
“Ndërkohë evidentojmë tri mjete të parkuara gabim. Do të marrim masën administrative për shkeljen e kryer. Për personat që nuk duan të lëvizin mjetet, do të marrim karotrecin për t’i zhvendosur pasi bëhen pengesë për rrjedhshmërinë e trafikut”, thotë punonjësi i policisë.
Report Tv ndoqi nga afër aksionin ku duket se efektivat kanë konstatuar edhe drejtues mjetesh që parkojnë gabim në korsi të dedikuara për biçikletat, pa sinjal dhe pa qenë prezent në mjet.
“Do të bëjmë njoftimin te eprorët tanë dhe do të na ofrojnë shërbimin e Policisë Bashkiake dhe do t’i vendosim bllokues te goma”, shprehet ai.
Pak metra larg Universitetit Politeknik, në rrugën Skerdilajd Llagami njoftohet në radion e Policisë një situatë problematike. Një qytetare kishte parkuar makinën luksoze në vendqëndrim të gabuar dhe kundër sensit të lëvizjes. Mjeti u zhvendos me karrotrec pasi kishte bllokuar rrugën.
Bulevardi Bajram Curri konstatohet gjithashtu një segment problematik sa i takon parkimit dysh të mjeteve, pasi në krah të djathtë të rrugës, qytetarët lënë automjetet për të marrë produkte apo shërbim tek bizneset aty.
Bulevardi Gjergj Fishta është një segment me rreth të kuq sa i takon mjeteve të parkuara dyshe apo edhe në korsi të dedikuara për taksitë dhe autobusët. Kjo i detyron drejtuesit e mjeteve të transportit të zhvendosen në korsitë e veturave, duke u bërë shkak për trafik të rënduar.
Por si procedon policia në të tilla raste? A është karrotreci zgjidhja e parë dhe e vetme për ndëshkimin e drejtuesve të mjeteve?
“Për tabelën ndalim qëndrimi është masë 1000-3000 lekë, nëse nuk ka shoferë në mjet, masa është me bllokuese ose karotrec”.
Policia Rrugore rrugore thotë se bazuar në matjet e saj, 40% i trafikut në Tiranë krijohet nga parkimet e gabuara, kryesisht ato dyshe. Grupi i “Report tv” gjatë vëzhgimit në terren, konstatoi problematikë të parkimeve të gabuara edhe në zona të tjera të kryeqytetit, si sheshi “Nënë Tereza”, rruga “Ndre Mjeda” dhe “Muhedin Llagani” në zonën e ish-parkut të autobusëve, rruga “Isuf Elezi” në zonën e Tiranës së Re si dhe “Dëshmorët e 4 shkurtit” në zonën e Liqenit Artificial. Policia rrugore ka bërë të ditur se aksioni do të vazhdojë në të gjitha zonat e kryeqytetit, por edhe në qytetet e tjera ku konstatohet ky fenomen.
Komente
Lajme të tjera
-
'Ishin 2 autorë!' Vrasja e Martinit, flet babai i 14-vjeçarit të plagosur: Prindi i fëmijës bën mirë ta dorëzojë vetë! Djali ndodhet në intubim
24 Nëntor, 09:20 -
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23
ta mendonin trafikun peroara secte jepnin leje ndertimi vend e pavend,tani eshte vone ,shume vone
PërgjigjuSot para dreke mora nje gjob 1000 lekshe! Jam koshient qe isha gabim dhe polici me penalizoj,por nje maqin private me nje drejtues polic,po i veshur civil,po ky grabites,bq polic e kaloj ketem maqinen e ketij polici pa gjobe dhe vazhdoj me te tjera maqina ti gjobiste! A eshte e drejte kjo si boni ky polic grabites me uniforme keto bq polic dhe shefat e tija,a i inspektojne para se te mari sherbimin ? Apo i leshojne si dele ne rrug,veç per gjoba,aduhet polici bq ti fryej bilbilit per ta paralajmeruar shoferet,ato qe jane mos bines te gjobiten!a ka ndonje nen qe bq polic duhet ti keshilloje shkelesit e rregullave,apo keshillimet jane vetem per te fortet,kriminelet qe bq polic i nderojne siç i nderojne eproret e tyre.A ka kund ne bote qe policet dalin me blloçe per gjoba?
PërgjigjuBravo per nismen. Pavaresisht se kemi probleme me infrastrukturen, kjo sdo thote qe duhet te abuzojme. E rendesishme eshte qe aksioni te shtrihet edhe ne njesite bashkiake ne tirane ku njerezit parkojne dhe ne kryqezimin e kalimeve apo ne vende te ngushta ku mjeten nuk manovrojne dot apo te dalin ne rruge kryesore. Duhet te behen edhe vizat e bardha prane lagjeve banesave qe te kalojne njerezit bebet me karroca invalidet e te mos parkojne kokpalaret se do pine kafe perballe. Plus abuzimi i prinderve qe i ka lejuar bashkia e madhe qe te vijne nga kamza e te marrin femijet qe kane regjistruar pa te drejte ne shkollat publike si 11 janari, kosova jeronim de rada etj. Perndryshe do vazhdoje xhungel. Te mendosh qe stambolli ka 25 milion banore qe edhe pse nuk jane civilizuar si vendet perendimote ne europe, perseri respektojne cdo rregull e parim qytetar ne aspektin e qarkullimit rrugor.
Përgjigju