POP 5

Lajmet më të lexuara të 5 minutave të fundit

Kronikë

Report Tv siguron foton e
kameras së helikopterit 

Report Tv ka siguruar foton e "kutisë së zezë" ose kamera e helikopterit të ushtrisë EC 145, i cili u rrëzua tre ditë më parë në Liqenin e Shkodrës. Kutia e zezë u gjet sot pas 3 ditësh kërkimi nga polumbarët e RENEA-s dhe Forcave të Armatosura.   VIDEO
Report Tv ka siguruar foton e kameras regjistruese të Helikopterit të ushtrisë EC 145, i cili u rrëzua tre ditë më parë në Liqenin e Shkodrës. 

Mjeti filmues u gjet sot pas 3 ditësh kërkimi nga polumbarët e RENEA-s dhe Forcave të Armatosura. 

Në procesin e nxjerrjes së saj ka qenë i pranishëm edhe drejtuesi i Prokurorisë Shkodër, Granit Shahu.

Kjo pajisje si dhe kutia e zezë do t'i nënshtrohen të hënën ekspertizës, në Prokurorinë e Shkodrës, në prani të specialistëve të "Eurocopter", nga ku pritet të hidhet dritë rreth shkaqeve që çuan në rrëzimin e helikopterit të ushtrisë, ku humbën jetën 2 pilotë dhe një tjetër mbeti i plagosur. 

kutia e zeze e helikopterit
(Kamera e helikopterit i cili u rrëzua tre ditë më parë në Liqenin e Shkodrës.)

Prokuroria procedim për shkelje të rregullave të fluturimit
Tre ditë pas aksidentit tragjik, kur humbën jetën dy pilotë, dhe një i tretë u plagos, Prokuroria e Shkodrës regjistron procedimin për dyshimin e shkeljes së rregullave të fluturimit ajror dhe lëvizje të trupave ushtarake pa një shkak të ligjshëm. 

Burime nga prokuroria e Shkodres thanë se nuk dihen shkaqet se përse helikopteri EC145 u ngrit nga baza e Farkës.

Organi i akuzës, pritet të marrë dokumentacionin në bazën ajrore të Farkës si edhe në qendrën e kontrollit të raportimit në Rinas.

Ndërkohë zhytësit e RENEA-s gjetën kutinë zezë të helikopterit. Të pranishëm ishin edhe ekspertët francezë dhe amerikanë të "Eurocopter".

Kutia e zezë iu dorëzua hetuesve të Prokurorisë së Shkodrës për hetim, nga ku pritet që pas ekzaminimeve të hidhet dritë rreth shkaqeve që çuan në rrëzimin e helikopterit të ushtrisë.

Si pasojë e aksidentit humbën jetën dhe një i tretë mbeti i plagosur. Kutia e zezë pritet të zbardhë intinerarin e lëvizjeve dhe manovrimeve të kryera nga helikopteri që nga momenti i nisjes së tij në Farkë e deri në momentin e aksidentit.

Ekspertët francezë dhe ata shqiptarë, pritet të kryejnë analizimin e kutisë së zezë të helikopterit në Institutin e Policisë Shkencore në kryeqytet, ku ai pritet të mbërrijë në vijim.

Nga kutia e zezë pritet të merren të dhana që lidhen me itinerarin, lartësia dhe shkaqet apo defektet që mund të ketë pasur helikopteri gjatë udhëtimit.

Redaksia Online
Shqiptarja.com

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52