Report Tv siguron foton, kush është autori i vrasjes së çiftit të të moshuarve në Dropull

Report Tv ka siguruar foton e autorit që ka rënë në pranga për vrasjen e çiftit Kosta e Kleoniqi Ilia, 80 e 84 vjeç në Dropull.

Policia ka arrestuar bashkëfshatarin Thoma Mastora, 69 vjeç. Report Tv sjell edhe foton e tij, ndërsa burime bëjnë me dije se njihej si person problematik në zonë.

Ai është trajtuar 3 herë në spitalin psikiatrik në Vlorës.

69-vjeçari është nga Portëza e Fierit dhe i martuar në fshatin Bodrishtë në maj të vitit 1989.

Me fillimin e ndryshimeve politike Thomai shkon në Greqi së bashku me gruan. Për shkak që të përfitonte dokumente greke ai merr mbiemrin e bashkëshortes Mastora.

Dyshohet se e ka ndryshuar edhe emrin pasi më parë e ka pasur Petrit.

Lajmi kryesor:

Piu kafe dhe vrau të moshuarit pas konfliktit të një çasti, arrestohet autori në Dropull! Çiftit iu gjetën 5 mln lekë në banesë

SI.E./K.M/Shqiptarja.com

TAG:
• Thoma Mastora
• Ardian Çipa
• dropull
• Gjirokaster
• Kosta Ilia
• Kleoniqi Ilia