POP 5

Lajmet më të lexuara të 5 minutave të fundit

Sociale

Report Tv sjell pamjet me dron/ Trafiku, rrethi vicioz prej të cilit Tirana nuk ka shpëtim! As Unaza e Madhe nuk ofron zgjidhje

Report TV vëzhgoi me dron situatën e trafikut në Tiranë duke nxjerrë në pah rrugët më problematike. Eksperti Arben Luzi thotë se infrastruktura rrugore nuk i përgjigjet fluksit dhe akset me 3-4 korsi përfundojnë si grykë shishe me 1 korsi në pikat lidhëse.

Report TV sjell pamjet me dron nga disa prej rrugëve kryesore të Tiranës, të cilat pushtohen nga trafiku çdo ditë dhe jo vetëm në fluksin e ditëve të festave.

Trafiku është kthyer në një rreth vicioz prej të cilit kryeqyteti duket se nuk ka shpëtim. Report Tv sjell pamjet gjatë paradites, apo të ashtuquajturit mëngjesi i shkollave dhe nisjes së banorëve të Tiranës në punët e përdithshme.

Për ekspertin Arben Luzi, infrastruktura nuk i përgjigjet fluksit të qarkullimit

“Infrastruktura nuk i përgjigjet... janë bërë pa studiuar fluksin ka shumë vija të bardha për këmbësore dhe një ndalesë e vogël e bllokon dhe rruga nuk e merr më veten për vijim normal të trafikut”, thotë Luzi.

Edhe më e rënduar paraqitet situata në orët e pasdites, duke nisur prej orës 16.00 deri në 19.00. Siç shihet rreth-rrotullimi i ‘Zogut të Zi’ përballet me flukset e mjeteve që dalin nga autostrada në rrugën “Dritan Hoxha” për të hyrë në Tiranë por edhe me fluksin e mjeteve të rrugës ‘Asim Vokshi’ që nis nga ish-stacioni i trenit. Vijon vargu i mjeteve në pritje përgjatë rrugës “Muhamet Gjollesha’ drejt “21 dhjetorit”, kryqëzim ku përplaset edhe qarkullimi i rrugës së Kavajës.

E ndodhur në rikonstruksion, autostrada Tiranë-Durrës dhe në kthim pothuajse është e pamundur për të hyrë në Tirana. Po ashtu edhe rrugët dytësore të saj.

“Rrugët përfundojnë në grykë-shishe, nga 3-4 korsi në një korsi në pikat lidhëse, kryqëzimet. Do vijnë tre makina e do presin të hyjnë një nga një. nga 4 korsi rruga përfundon në formën e një gryke shisheje dhe kjo i përplas mjetet në pikat lidhëse të akseve kombëtare për të hyrë në Tiranë”, thotë Luzi.

Rreth-rrotullimi tek Kthesa e Kamzës që shpërndan zonat periferike të Tiranës bllokohet nga flukset e mjeteve dhe as hapja e Unazës së Madhe nuk i dha frymëmarrje çmendurisë së trafikut në Tiranë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ura: 08/01/2025 20:56

    Se po lexoj me vemendje te gjitha komentet . O njerez nuk se cfare ti bej ura ,kalimet ,nenkalimet apo edhe grykat e shisheve . Duhet transport publik ! Cdo person apo individ ne Shqiperi perdor automjet personal per cdo levizje qe do bej , ky eshte problemi . Duhen bere tramvaj , metro nentokesore, madje edhe perdorimi i bicikletave qe te lirohen rruget .

    Përgjigju
  • Polic #: 08/01/2025 19:22

    Asgjë nuk e rregullon edukatën e shoferëve tanë në rrugët e Tiranës dhe jo vetëm!! Shto pastaj edhe lesh e linë e rrugëve që nuk kanë një sistem të qartë dhe të studiuar. Rregullon një segment por ai shkon dëm sepse ka pesë degëzime që e bllokojnë se s'bën në një pikë.

    Përgjigju
  • Bardhyl: 08/01/2025 18:22

    Parimi i "GRYKËS SË SHISHES" është stili i rrugëve të ndërtuara nga Qeveria aktuale dhe që kanë kushtuar 5 herë më shtrenjtë se vendet e Rajonit. Kështu është tek Kaza Itslia,Astiri,Fabrika e Miellit,Kopshti Botanik, e me radhë. Qëllimi? 1.Për të torturuar qytetarët. 2.Për të mbushur xhepat e qeveritarëve

    Përgjigju
  • Guri zi: 08/01/2025 17:24

    Tek sheshi shqiponja qe vjen nga DURRSI hymja per Laprak asht skandal me te vertet nje gabim I madh I projektuesve fiks siç shkrun artikulli aty ngushtohen korsite dhe rruga merr formen e nje GRYKE SHISHEJE!!Ka munsi korigjimi per menimin tem por ne venin tone duhet te kalojn nja 30 vjet qe dikush te kujtohet e ta korigjojn!!

    Përgjigju
  • Albi: 08/01/2025 16:37

    400 miljon euro u moren . Vazhdoni votoni Ramen?

    Përgjigju
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident i rëndë në Korçë – Pogradec/ Përplasen dy makina, një i vdekur (VIDEO)

Aksident i rëndë në Korçë – Pogradec/ Përplasen dy makina, një i vdekur (VIDEO)

8 Janar, 23:55