POP 5

Lajmet më të lexuara të 5 minutave të fundit

Sociale

REPORTAZH/ Një ditë në Darëzezë! Pushuesit: Plazhi po merr vëmendje ka pastërti dhe rërë kurative

Plazhi i Darëzezës në Fier po bëhet gjithnjë e më i frekuentuar. Me pisha, rërë kurative e ajër të pastër, Darëzeza mbledh kryesisht pushues të zonës së Fierit por jo vetëm. Rruga është e asfaltuar, ndërsa banorët e zonës të ofrojnë produkte të freskëta në këtë stinë. Report Tv ishte një ditë me pushuesit në Darazezë.

Vetëm 20 kilometra nga qyteti i Fierit, shtrihet plazhi i Darëzezës. Me një brez të gjerë rërë dhe ujë të pastër ai po bëhet gjithnjë më i frekuentuar, sidomos gjatë fundjavave. Pasi ke përshkuar një rrugë të drejtë, përpara këtij kryqëzimi mund të zgjedhësh nëse do të pushosh në Seman apo Darëzezë?

Me kamerën e Report Tv sot jemi drejtuar për në Darezezë.

Gjatë rrugës shohim banorët e këtij fshati që shesin prodhimet bujqësore. Pushuesit ndalojnë aty për shalqi, pjepër e perime të stinës. 

Pasi kalon pishat mbërrin në plazhin e Darezezës me një vijë bregdetare 13. 5 kilometra. Përpos plazheve private, ka hapësirë edhe për plazhe publike, ku pushuesit kanë hapur çadrat e tyre.

Pushuesit janë kryesisht nga qyteti dhe fshatrat e Fierit. Ata vlerësojnë rërën e pastër, detin dhe pyllin me pisha. Sa i përket distancave sociale, të diktuara tashmë nga pandemia e covid-19, pushuesit shprehen se po i respektojnë.

Darezeza, mund të quhet ende një plazh i virgjër, pasi ende nuk ka struktura akomoduese si hotele apo resorte. Në këtë plazh janë disa restorante që ofrojnë kryesisht peshk.

Pushuesit në plazhin e Darezezës, janë ditor, më të paktë janë ata që qëndrojnë për pushime të gjatë në shtëpitë që lëshojnë me qira banorët e fshatit.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fieri: 27/07/2020 09:10

    Plazhi bukur vetem qe ka gomer te ngordhur ne det dhe infeksioni eshte nga te kater anet e plazhit ..prandaj te gjith firaket shkojn ne vlore bejne plazh ..i hiqni keto lajme se jan rrena.

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01