POP 5

Lajmet më të lexuara të 5 minutave të fundit

Ekonomi

Reportazh/ Report TV me fermerët e grurit në ‘hambarin e Myqezesë’: Shteti na ka braktisur, punojmë për mbijetesë

Në zonën Topojë- Seman të Fierit që njihet si ‘hambari i Myzeqesë’, fermerët kanë nisur punën për mbjelljen e grurit të ri. Pavarësisht faktin se vitin e shkuar dolën me humbje ata nuk heqin dorë pasi kanë investuar në bujqësi.  

Edhe pse prej 4 vitesh fermerët e zonës Topojë- Seman në Fier hasin vështirësi në shitjen e drithërave as këtë sezon të ri të mbjelljeve nuk heqin dorë nga kultivimi i këtyre kulturave bujqësore. Një prej kultivuesve më të mëdhenj në zonë, Mili Sako pohon se i gjithë prodhimi i një viti mẽ parẽ i mbeti stok për muaj të tërë, dhe në këto kushte, u detyrua ta shiste nën kosto, me 23 lekë për kilogramë , ndërkohë që duhet të ishte të paktën 35 lekë pêr kilogramë. Ai ka pasur humbje të mëdha financiare dhe nuk e fsheh zhgënjimin por megjithatë do të vazhdojë të  mbjellë me grurë sipërfaqet e marra me qera.

“Do mbjell deri sa të falimentoj plotësisht, pasi tashmë nuk ka kthim pas dhe nuk mund të investojë në sektor tjetër”.

Ndërkohë një prej fermerëve të rinj të zonës Vilson Sika, pohon se prodhimin prej 400 kuintal një ka shitur nën kosto. Rreth 60 ha tokë tokë bujqësore që zotëron sërish do ta mbjellë me drithëra.

“Nuk mund të braktis investimin shumëvjecar e as të braktis prindërit e moshuar”, thotë 28- vjecari, ndaj do të mbjelle grurë me shpresën se situata do të ndryshojë.

Një tjetër fermer i ri, Ermir Cuni, i cili zotëron 18 ha tokë bujqësore pohon gjithashtu se nuk do të braktisë investimin e një jete të familjes së tij, edhe pse shitja nën kosto e prodhimit  i vështirëson gjithë zinxhirin e punës.

“Jemi të braktisur në fatin tonë thotë fermeri, teksa apelon për më shumë politika mbështetëse nga shteti”.

Në këtë periudhë të vitit, fermerët janë në fazën e gjetjes së tregut për kulturën e misrit, por njëlloj si gruri, cmimi është nën kosto. Edhe pse punojnë në kushtet e mbijetesës, fermerët e Topojë- Seman, dikur zonë e njohur si “ Hambari i Myzeqesë”  janë shprehur njëzëri se nuk do të aplikojnë në Skemën e re Kombëtare për Bujqësinë pasi pavarësisht se kanë aplikuar vitet e shkuara nuk kanë qënë përfitues.

R.D/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Aldo: 12/10/2024 18:42

    Siete tutti bastarti e nessuno pensa problemi ce la familia da per tutto nord e a sud dovete andare in Europa con pensione 100 al mese e lek albania e più forte del euro bravo ladri di governo albania

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Alarm në Greqi, ujërat e zeza të Athinës të ‘mbingopura’ me kokainë! Dyfishohet konsumi i drogës gjatë festave, ulet niveli i COVID-it

Alarm në Greqi, ujërat e zeza të Athinës të ‘mbingopura’ me kokainë! Dyfishohet konsumi i drogës gjatë festave, ulet niveli i COVID-it

25 Dhjetor, 17:15