Reportazh/ Urologjisë i pikon
çatia, noton në ujë
Nuk është çudi që edhe spitalit t'i pikojë çatia. Në korridorin e Urologjisë, një ndër shërbimet që është rikonstruktuar nga themelet vetëm pak vite më parë, çfarë bie jashtë futet brenda duke krijuar pellgje me ujë. Ndërkohë që në këtë shërbim janë edhe sallat miliona euroshe të transplantim të veshkës.(Në foto: Tavani i korridorit të Urologjisë)
TIRANË - Bëhet fjalë për korridorin e përbashkët të katit të dytë që lidh shërbimin e urologjisë me atë të kirurgjisë së përgjithshme në Qendrën Universitare Spitalore "Nënë Tereza". Në këtë pjesë të korridorit, turmat e njerëzve që presin radhën për t'u futur te mjeku, janë të shumta çdo ditë.
Por në këto ditë me shi, asgjë nuk ta jep përshtypjen se jemi në një korridor spitali, dhe për më tepër, të një qendre universitare spitalore. Fotot që shoqërojnë këtë shkrim, të cilat janë shkrepur ditën e mërkurë, në të vërtetë japin vetëm një pjesëz fare të vogël të pamjes reale të këtij korridori. Tavani, i cili në të vërtetë nuk është prej llaçi e tulle, por një mbulesë plastike, si pasojë e shtesës së godinës, pikon i gjithi. Mjekë e pacientë, përpiqen të kalojnë nëpër cepa dhe t'u shpëtojnë kështu pikave të shumta të ujit që të bien mbi kokë nëse nuk je i vëmendshëm. Ndërkohë si pasojë e çatisë që pikon, i gjithë ky korridor është i mbushur me pellgaçe uji, që megjithëse të gjithë mundohen t'u bëjnë bisht, është e pamundur të mos shkelësh mbi to. Dhe në këtë pjesë, të sëmurët hallexhinj presin që t'u vijë radha të takojnë mjekun. Sigurisht që kjo situatë është deri tek porta e xhamit, ku nuk mund të futesh brenda në pavijon pa marrë më parë miratimin e rojes. Por përgjatë këtij korridori kalojnë tëgjithë, mjekë, pacientë, të afërm të të sëmurëve që u shkojnë për vizitë, dhe të gjithë pisllëkun e korridorit e marrin me vete nëpër dhomat e shtrimit.
Ndërkohë që nëpër këtë korridor, duhet të kalojnë edhe ata që i nënshtrohen transplantim të veshkës, pasi në këtë pavijon ndodhen edhe dhomat miliona euroshe të transplantimit dhe reanimacionit të kësaj ndërhyrjeje të vështirë, që prej disa kohësh zhvillohet edhe në vendin tonë.
Por megjithëse janë harxhuar miliona euro për rikonstruksionin e të gjithë pavijonit të Urologjisë dhe bërjen e sallave të transplantimit, drejtoria e këtij spitali nuk e ka pare ende të arsyeshme që së paku të rregullojë çatinë, dhe në korridor, ata që presin radhën për te mjeku, të mos jenë të detyruar të mbajnë çadrat hapur për t'i shpëtuar shiut që bie jashtë.
(aq/shqiptarja.com)
Sondazhi i ditës:
Sa përcaktuese do jetë vota e emigrantëve në zgjedhjet e 2025-ës?
-
Shumë
25.8%
-
Pak
40.6%
-
Aspak
33.5%
Vota total: 1262
Votat totale janë unike
Lajme të tjera
-
Sherr me thika mes dy të rinjve në Pogradec, një i plagosur! Arrestohet 24-vjeçari
27 Korrik, 22:41
-
Politika s’ka moral, por kjo jona s’ka edhe logjikë
27 Korrik, 22:36
-
'Më kapi për fyti ...', shqiptarja denoncon ish-bashkëshortin grek në polici
27 Korrik, 22:35
-
Skënder Minxhozi: Kompromisi më i çuditshëm, mbaje qeverinë, më ler shef të opozitës
27 Korrik, 22:30
-
Rikthehet Festivali i Porto Palermos, 12 netë magjike në kalanë e ‘Ali Pashës’! Olen Cesari flet për Report Tv: Promovojmë Shqipërinë në botë
27 Korrik, 22:13
-
Zjarri në Shëngjin, Report Tv sjell pamjet me dron
27 Korrik, 22:02
-
A jeni dakord me 2/3 e listës së deputetëve të hapur dhe 1/3 e mbyllur? Ja si u votua në sondazhin e Shqiptarja.com
27 Korrik, 21:55
-
Lojërat Olimpike në Francë, flamuri i eventit u ngrit përmbys! Ngatërrohet Koreja e Jugut me të Veriut
27 Korrik, 21:35
-
Fusha e mbetjeve 3 ditë në flakë, protestë para Bashkisë së Vlorës: Duam Turizëm
27 Korrik, 21:24
-
Sherr në restorantin në Vlorë, i mituri godet me thikë 38-vjeçarin me probleme të shëndetit mendor
27 Korrik, 21:11
-
Mero Baze: Intervista e Ahmetajt si zhurmuese e pazarit për Kodin e zgjedhjeve
27 Korrik, 21:09
-
Humbi jetën pasi ra nga Maja e Thatë në Tropojë, nxirret trupi i pajetë i 30-vjeçarit nga Kosova! 3 të tjerë në gjendje të mirë
27 Korrik, 21:01