Një video e kandidates demokrate për Shtëpinë e Bardhë, Hillary Clinton, po përdoret në fushatë nga republikanët për ta paraqitur atë me probleme mendore. Video është regjistruar në datën 10 qershor. 

Në video Clinton shihet duke lëvizur kokën mbrapsht në mënyrë të çuditshme, por më shumë sesa një krizë psiqike, siç pretendojnë republikanët, ajo duket sikur tenton të imitojë dikë.

Dhe jo pa qëllim, raporterja e Associated Press, Lisa Lerer, e cila ishte e pranishme në momentin që u filmua kjo video, është shprehur se Clinton thjesht mund të jetë zënë në befasi nga fluksi i pyetjeve nga gazetarët.