POP 5

Lajmet më të lexuara të 5 minutave të fundit

Sociale

Fundjavë me dëborë në Korçë, Shkodër dhe Kukës! Rrugët e hapura në fshatrat turistikë Dardhë e Theth! Rama: Borëpastrueset në terren, lëvizni me zinxhirë

Juglindja e vendit dhe veriu janë mbuluar nga ‘velloja’ e bardhë e dëborës. Reshjet e dëborës kanë zbardhur fshatin turistik  të Dardhës, Vermoshin, Bogën e Thethin duke u dhënë një pamje magjepsëse.

Fshatrat turistikë në juglindje dhe në veri të vendit janë mbuluar me petkun e bardhë këtë fundjavë. Rrugët e Korçës, Shkodrës dhe të Kukësit janë të hapura, por duhet treguar kujdes nga ana e shoferëve.

Kryeministri Edi Rama shkruan në rrjetet sociale se mjetet borëpastruese janë në terren në akset Kukës-Shishtavec, Bogë-Theth, Tamarë-Vermosh, Korçë-Dardhë. Drejtuesit e mjeteve duhet të pajisen me goma dimërore dhe zinxhirë drejt këtyre zonave.

Në Dardhë të Korçës, ku përqendrohet numri më i madh i vizitorëve, trashësia e dëborës shkon në 5 centimetra. Aktualisht nuk raportohet për problematika, pasi firmat kontraktore po punon për ta mbajtur të hapur rrugën.

Në orët e pasdites dhe mbrëmjes pritet përkeqësimi i motit në qarkun e Kukësit. Aktualisht në Rrugën e Kombit, nga Morina deri në Tunelin e Kalimashit, lëvizja e mjeteve bëhet pa probleme. Në një njoftim të fundit kompania koncesionare ju bën thirrjeve shoferëve që gjatë udhëtimit të kenë me vete zinxhirët dhe gomat e dimrit, pasi priten reshje bore.

Rendit zhvillimet sipas orarit:
Ora 12:54
Një fundjavë në Dardhë? Nëse keni bërë plane, lexoni më parë këtë informacion dhe shikoni si ka zbardhur sot fshatin turistik në Korçë

 

Nëse keni plane për të kaluar këtë fundjavë në fshatin turistik të Dardhës, po ju japim disa informacione të vlefshme.

Mëngjesin e kësaj të premte kanë rinisur rreshjet e dëborës në Fshatin Turistik të Dardhës. Reshjet e dendura vijojnë me intensitet mesatar por pa sjellë probleme në qarkullim në akset Korçë-Dardhë, Korçë-Voskopojë, Qafë Qarri-Ersekë. Ndërkohë trashësia e dëborës ka shkuar mbi 5 cm

Mjetet borëpastruse dhe punëtorët e mirëmbajtjes janë në terren duke punuar pa ndërprerje.

Temperatura në Dardhë është zero gradë.

Sipas informacioneve zyrtare, bëhet e ditur se kontraktorët po punojnë pa pushim përgjatë aksit rrugor Boboshticë – Dardhë, aty ku stuhia e dëborës ka goditur me intensitet më të lartë.

Momentalisht nuk raportohen bllokime të rrugëve, por në të gjitha rastet rekomandohet për drejtuesit e automjeteve të përdorin pajisjet dimërore. Gjithashtu të ulin shpejtësinë, të respektojnë sinjalistikën dhe udhëzimet e Policisë Rrugore. Temperaturat gjatë natës, pritet që të shkojnë deri në -3 gradë celsius në këtë zonë. Ndërsa ambientet akomoduese janë plotësisht të rezevruara për këtë fundjavë në zonën e fshatit turistik të Dardhës.

S.G/Shqiptarja.com

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54