Reshje të dendura shiu në të gjithë vendin, përmbyten rrugët në Vlorë e Berat (VIDEO)

VLORË- Reshje të dendura shiu kanë përfshirë të gjithë vendin ditën e sotme. Në disa zona, reshjet kanë qenë në formë rrebeshi. Report Tv sjell pamje nga Vlora dhe Berati, zona ku reshjet e shiut kanë shkaktuar edhe problematika. Në Berat, është përmbytur rruga kryesore në Kuçovë. Uji është futur në nënstacionin elektrik dhe për pasojë disa banesa kanë mbetur pa energji elektrike. KESH dhe punonjësit e Bashkisë janë në terren. 

Ndërkohë, reshjet e shiut kanë sjellë problematika edhe në Vlorë, ku disa rrugë kryesore të qytetit janë përmbytur. Zona si pranë stadiumit Flamurtari, në lagjen Pavarësia, por edhe në zonën e Skelës tashmë nën ujë. Probleme ka patur edhe në disa blloqe banimi pranë zonës së Albano dhe Rominës por edhe në disa zona të tjera të qytetit. Deri më tani nën ujë segmentet rrugore dhe automjetet Për momentin nuk rrezikohen banesa apo biznese.

Mbi situatën e krijuar në Maliq dhe Korçë, janë angazhuar si pjesë e emergjencave civile, 200 punonjës dhe 32 mjete të tonazhit të rëndë. Situata momentalisht e qetë, por vijojnë reshjet e shiut.

LEXO EDHE:
Vlorë/ Fusha e mbetjeve përfshihet përsëri nga flakët, zjarrfikësit drejt vendngjarjes! Hetime dhe për zjarrvënie të qëllimshme (VIDEO)

Nga reshje të dendura të shiut sot u përfshi edhe Tirana. Ky mot me reshje dhe i paqëndrueshëm vijon që prej ditës së djeshme, ndërsa sipas specialistëve të mot do të na shoqërojë edhe ditën e nesërme.

TAG:
• Vlore
• Berat
• moti i keq

Sondazhi i ditës:

Si ka qene per ju viti 2024?

• I mire

  44.1%

• I keq

  22.7%

• As i mire as i keq

  33.2%

Vota total: 1507

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq