Autoriteti Rrugor Shqiptar vijon të mbajë nën kontroll situatën e rrugëve pas reshjeve të dëborës dhe ngricave edhe pse ditët e fundi nuk ka patur reshje të vazhdueshme.

Sipas ARRSH situata paraqitet norale megjithatë në disa akse duhet patur kujdes dhe duhet të lëvizet me zinxhirë për shkak të ngricave të krijuara si pasojë e temperaturave të ulëta të ditëve të fundit

"Qarkullohet pa zinxhirë në të gjithë akset me përjashtim të akseve Boboshticë - Dardhë dhe Fushë Studë - Steblevë, që qarkullohen pjesërisht me zinxhirë. Kontraktorët po punojnë për hedhjen e kripës në akset ku ka ngrica. Rekomandohen përdoruesit e rrugës të bëjnë kujdes gjatë lëvizjes në akset ku ka ngrica, si dhe në akset ku ka çedime të rrugës, apo rënie të dherave e gurëve. Të respektohet sinjalistika e vendosur për këto raste."-shkruan ARRSH në njoftimin e saj