Policia e Kosovës ka paralajmëruar qytetarët për të kufizuar sa më shumë lëvizjet me automjete si dhe ka lajmëruar për plane konkrete veprimi duke caktuar njësi policore rrugore, të cilat ushtrojnë kontrolle të vazhdueshme në rrugët urbane dhe në ato rajonale, për ngritjen e nivelit të sigurisë dhe parandalimin e aksidenteve.
Gjendja aktuale e rrugëve rajonale, urbane dhe në të gjitha rajonet, përgjithësisht vlerësohen e kalueshme, por në disa akse janë paraqitur vështirësi kalimi pa ndihmën e zinxhirëve të dëborës.
Ndërkohë raportohet se kolonat e gjata makinash janë bllokuar në pikë-kalimet kufitare të Kosovës ku duhen nga 2 deri në 3 orë për kalimet në Merdare, ndërsa janë formuar kolona rreth 1-2 km, ashtu si dhe në pikë-kalimet e Dheu i Bardhë. Policia kufitare raporton se kjo situatë vjen edhe si rezultat i fluksit të madh të automjeteve.
Redaksia Online
(a.h/shqiptarja.com)
![](https://www.shqiptarja.com/template/img/sh_logo1.png)