POP 5

Lajmet më të lexuara të 5 minutave të fundit

Sociale

Reshjet e dendura të borës bllokojnë qarkullimin në Rrugën e Kombit! Tre aksidente në segmentin Thirr-Fan-Reps, kompania 'Salillari' e papërgatitur (VIDEO)

Reshjet e dendura të borës në zonën e Fanit në Mirditë, kanë krijuar vështirësi në qarkullim, duke sjellë probleme edhe në Rrugën e Kombit. Janë shënuar 3 aksidente në aksin Fan-Reps të Rrugës së Kombit. Kompania Salillari që mirëmban këtë segment, është gjetur e papërgatitur. Në orët e para të mëngjesit janë shënuar dy aksidente zinxhirë, ndërsa në daljen e fshatit Fan një mjet tjetër ka dalë nga rruga. 

Reshjet e dëborës u rikthyen në veri e verilindje të vendit, duke sjellë rënie të temperaturave dhe vështirësi ne qarkullim.

Në orët e mëngjesit u bllokua Rruga e Kombit në segmentin Reps-Tuneli i Kalimashit, siç shihet dhe në pamje.  Kompania “Salillari” që mirëmban autostradën është gjetur e papërgatitur. Tre makina rrëshqitën në borë, duke shkaktuar trafik për afro dy orë. Situata u përmirësua pasi borëpastrueset dolën në terren dhe pastruan autostradën që lidh Shqipërinë me Kosovën.

Reshjet e borës kanë krijuar vështirësi dhe në akse te tjera por nuk ka bllokim te tyre. Policia Rrugore bën te ditur se drejtuesit e mjeteve duhet pajisen me goma dimërore dhe zinxhirë ne rrugët me prezence bore, si Qafë Mali-Fierzë, Qafë Bualli-Peshkopi, Bogë-Theth, Pukë-Fushë Arrëz-Kalimash, Kukës-Ura Zapodit, dhe Kukës-Krumë.

Rendit zhvillimet sipas orarit:
Ora 09:30
Në qarkun Shkodër fillojnë reshjet e borës! Qarkullimi në zona malore kryhet me goma dimërore

Në qarkun e Shkodrës kanë filluar reshjet e borës mëngjesin e sotëm.  Qarkullimi i automjeteve në zonat malore duhet te kryhet me goma dimërore.

Në aksin rrugor Qafë Mali - Fierzë kanë nisur reshjet e dëborës në orët e para të mëngjesit, por pa krijuar probleme në qarkullim. Kontraktorët janë në gatishmëri me mjete dhe punëtorë. Në zonat malore, qarkullimi duhet të bëhet me goma dimërore.

Në aksin Qafë Thore ka nisur bora, por rruga është e kalueshme.

Reshje të lehta bore kanë filluar dhe në bashkinë Pukë por pa pengesa në qarkullim. Në bashkinë Fushë Arrëz: Trashësia e dëborës arrin 6-8 cm, por rrugët janë të hapura dhe qarkullimi vijon normalisht.

 

S.G/Shqiptarja.com

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Mars, 10:09

    Sa e dëshironi integrimin e Shqipërisë në Bashkimin Europian?

Lajme të tjera



×

Lajmi i fundit

Arrestimi i kryebashkiakut Imamoglu në Turqi: X pezullon llogaritë e opozitës mes protestave!

Arrestimi i kryebashkiakut Imamoglu në Turqi: X pezullon llogaritë e opozitës mes protestave!

22 Mars, 22:57