POP 5

Lajmet më të lexuara të 5 minutave të fundit

Kronikë

Reshjet e dëborës/ ARRSH: Segmentet rrugore ku nevojitet përdorimi i zinxhirëve

ARRSH ka informuar mbi situatën e motit, segmentet rrugore në të gjithë vendin të cilat janë të kalueshme me zinxhirë për shkak të ngricave të akullit,në rajonin verior dhe verilindor ndërsa zonat në juglindje qarkullimi zhvillohet normalisht.

Reshjet e dëborës/ ARRSH: Segmentet rrugore ku nevojitet përdorimi i zinxhirëve

Pamje nga situata e motit në zonat në rajonin verior të vendit

Nisur nga situata e motit të keq e paraqitur për 24 orët e fundit, Autoriteti Rrugor Shqiptar ka pasqyruar gjendjen e rrugëve në të gjithë vendin, ku bën të ditur se nuk rezultojnë rrugë të bllokuara. Ulja e temperaturave dhe reshjet intensive të rëna të dëborës kanë krijuar vështirësi në disa akse të rrugëve në zonat rurale në veri dhe verilindje me lëvizjen e automjeteve.

Sipas njoftimit të Autoritetit Rrugor Shqiptar segmentet rrugore në vend të cilat janë të kalueshme me zinxhirë për shkak të ngricave të akullit të shkaktuara nga reshjet e dëborës, janë ato të zonave malore në rajonin verior dhe verilindor kurse në juglindje të vendit nuk paraqitet situatë problematike.

Konkretisht ARRSH informon se në rajonin jugor në Qarkun e Gjirokastrës dhe Vlorës gjatë natës ka pasur reshje shiu dhe qarkullimi i mjeteve kryhet normalisht pa zinxhirë. Ndërkohë në juglindje, në Qarkun e Korçës edhe pse gjatë 24 orëve të fundit ka  pasur reshje të dobëta bore, njoftohet se kontraktorët kanë punuar gjatë natës për pastrimin e akseve dhe shpërndarjen e kripës, ndaj situata e qarkullimit të automjeteve kryhet normalisht në të gjithë akset.

Situata paraqitet e vështirësuar në rajonin verior, kryesisht në Dibër dhe Mirditë ku ARRSH përmend si akse që duhen qarkulluar me zinxhirë akset Zalldardhë - Draj Reç, Domaj - Draj Reç, Ura e Cerenecit - Steblevë, 20 km e fundit të aksit, Reç - Qafë Drajë .

Sa i përket rajonit qendror në Tiranë, ARRSH bën me dije se në aksin rrugor Librazhd-Steblevë ka pasur reshje të dobëta dëbore, dhe qarkullimi kryhet pa probleme.


Lajmi kryesor:

Vijojnë reshjet e dëborës në Dibër dhe Kukës, ngricat sjellin vështirësi në akset rrugore (Situata)
/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55