Reshjet e dëborës, ndërpritet mësimi në të gjitha shkollat në Korçë

Reshjet e dendura të dëborës të cilët kanë nisur prej disa ditësh në të gjithë rrethet e vendit , kanë krijuar probleme në disa akse rrugore në vend, duke përfshirë edhe qarkun e Korçës. Për shkak të motit të keq dhe nisur situate e rënduar nga reshjet e dëborës e temperaturave të ulëta  Zyra Rajonale e Drejtorisë Arsimore në Korçë njofton se është vendosur ndërprerja e mësimit për të gjithë shkolla e qarkut Korçë.  

Me vendim të Drejtorisë Arsimore Rajonale të Korçës mësohet se  procesi mësimor në të gjithë territorin e qarkut Korcë nuk do të zhvillohet për ditën e nesërme dt. 10.01.2018. dhe do të zëvendësohet në një kohë të dytë.

 “Drejtoria Arsimore Rajonale Korce, nisur nga situata tejet e renduar nga rreshjet e bores, te cilat e bëjnë të pamundur zhvillimin normal të procesit mësimor, vendos ndërprerjen e tij për nesër dt. 10.01.2018. Per ecurinë do njoftojmë serisht”, thuhet në njoftimin e DAR Korçë.

Lajmi kryesor:

Shqipëria nën 'pushtetin' e dëborës/ Ndërpritet mësimi në 280 shkolla, bllokohet Rruga e Kombit/VIDEO

TAG:
• Korce
• reshjet e debores
• pezullohet mësimi