Reshjet e shiut, përmbytje në portin e Vlorës! Pezullohen lundrimet për mjetet e vogla dhe ato të peshkimit

Reshjet e shiut që kanë përfshirë të gjithë vendin kanë sjellë përmbytje në qytetin bregdetar të Vlorës.

Niveli i detit është rritur e për pasojë ka mbuluar dhe një pjesë të portit të Vlorës.

Por reshjet e shiut fatmirësisht nuk kanë bllokuar qarkullimin rrugor pasi rrugët nuk janë përmbytur.

Si pasojë e kushteve të këqija atmosferike ka detyruar autoritetet detare shqiptare të pezullojnë lundrimet e mjeteve të vogla dhe ato të peshkimit në Vlorë.

Moti pritet që të përmirësohet pas mesnatës së datës 30 dhjetor, por nuk ka ende një vendim se deri në çfarë date do të jenë të pezulluara këto lundrime.

Në bazë të parashikimit të kushteve hidëeteorologjike për 72 orët e ardhshme në portin e Vlorës dhe jashtë saj për datat 27-28-29-30.12.2020 do të jenë: Era dhe deti ne drejtimin jug-jugperëndim forca 5-6 bft brenda gjirit të Vlorës; era dhe deti në drejtimin jug-juglindje forca 6-7bft 10-15m/s deri 7-8bft 15-20m/s jashtë.

Janë pezulluar lundrimi i mjeteve të vogla lundruese dhe ato të peshkimit.

Lajmi kryesor:

Dëbora zbardh veriun e vendit! ARRSH: Qarkullimi pa zinxhirë në të gjitha akset! Përmbytje në portin e Vlorës! Pezullohen lundrimet (VIDEO)

E.M./B.K./Shqiptarja.com

TAG:
• Vlore
• moti i keq
• lundrimet