DIBER -  Reshjet e shumta të shiut te rëna prej ditës së djeshme dhe gjatë natës, (3 - 4 nëntor 2023) kanë shkaktuar probleme në segmentin që lidh Klosin me rrugën Arbrit. 

Shkak është bërë dëmtimi i një pjese të rrugës, ku siç shihet edhe në pamje është çarë asfalti dhe mjetet e kanë të vështirë kalimin. Konkretisht çarja e asfaltit ndodhet në pjesën fundore të Bypass-it të Klosit që lidhet me rrugën e vjetër Tiranë-Peshkopi.

Disa shoferë janë detyruar të vendosin gurë poshtë gomave për të mundësuar kalimin e kësaj pjesë të çarë pasi gropa ka disa centimetra thellësi dhe makinat nuk mund ta kalojnë.

Gjithashtu probleme ka edhe rruga nacionale Klos – Bulqizë me rënien e gurëve.