POP 5

Lajmet më të lexuara të 5 minutave të fundit

Kultura

Restaurimi i Muzeut Historik nga BE, draftprojekti me rikonceptim të hapësirave! Edhe Arkeologjia e Etnografia pjesë, për të rrëfyer historinë përmes objekteve

Është mbajtur prezantimi i parë i draftprojektit të restaurimit të Muzeut Historik nga Bashkimi Evropian. Parashikohet mes të tjerash rikonceptim i hapësirave, forcim i strukturave pas dëmeve të tërmetit dhe rivitalizim i katit nëntokësor.

Restaurimi i Muzeut Historik nga BE, draftprojekti me rikonceptim të hapësirave! Edhe Arkeologjia e Etnografia pjesë, për të rrëfyer historinë përmes objekteve

Prezantimi i draftprojektit te restaurimit ne Muzeun Historik

Në kuadër të restaurimit të objekteve të trashëgimisë kulturore, të dëmtuara nga tërmeti i vitit 2019, programi "Eu for Culture" , i zbatuar nga UNOPS, përmban edhe rivitalizimin e Muzeut Historik Kombëtar.  Në projekt dizajnin që merr deri një vit kohë, Bashkimi Evropian do të financojë një rikonceptim të hapësirave të Muzeut dhe forcim të strukturave ekzistuese, pa zgjerim hapësirash të brendshme në ndërtesë, por më shumë hapësirë ekspozuese për sektorë të tjerë.

Koncepti që propozohet përfshin idenë e të rrëfyerit historinë përmes objekteve, edhe sa i përket Etnografisë, Arkeologjisë apo Letërsisë vendase.  Në riorganizimin e hapësirave po planifikohet edhe laboratori i restaurimit, bërja funksionale dhe e vizitueshme e katit nëntokësor (pjesë dhe Arkiva), por edhe rimodelimi i hapësirave të jashtme, për zona pushimi dhe ekspozita  në atriumin e Muzeut. Puna e restaurimit siç ka shpjeguar Ministrja e Kulturës, Elva Margariti mund të shkojë deri në dy vjet.

Në prezantimin e draftprojektit në Muzeun Historik, morën pjesë krahas Margaritit, arkitekti Jesus Hernandez, drejtuesja e UNOPS Albania Pamela Lama, Drejtori i Muzeut Historik Kombëtar Dorian Koci, ekspertë të trashëgimisë kulturore, si dhe përfaqësues të Akademisë . Siç bëhet e ditur, ky ishte prezantimi i parë i një sërë konsultimesh që do të përfshijë të gjitha grupet e interesit.

Marrëveshjen “EU4CULTURE”  ka dedikuar 40 milionë euro në rigjallërimin e qendrave dhe monumenteve të trashëgimisë kulturore të prekura nga tërmeti në Shqipëri.

Programi  përfshinëe objekte  si Muzeu Arkeologjik dhe Galeria Kombëtare e Arteve në Tiranë, qendra të rëndësishme si Amfiteatri i Durrësit, si dhe kështjella e monumente fetare.

/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Shkodër/ Vetura përplas për vdekje motoçiklistin 45-vjeçar, policia arreston shoferin!

Shkodër/ Vetura përplas për vdekje motoçiklistin 45-vjeçar, policia arreston shoferin!

24 Janar, 19:23