Revista News-Week boton numrin e
fundit print, tashmë vetëm online

Revista e famshme amerikane News-Week i jep fund botimeve të saj të përjavshme në version print. Kompania prestigjioze nxjerr në treg numrin e fundit të revistës më datë 31 dhjetor dhe që nga kjo datë, ajo do të mund të ndiqet vetëm online.

Me 80 publikime deri më sot, ajo ka dhënë njoftimin se javën tjetër do të jetë numri i fundit. Numri i fundit është menduar të jetë bardhë e zi, shenjë keqardhje për largimin e saj nga tregu. Që nga 31 dhjetori vendi i revistës News-Week do të jetë bosh në stendat e revistave të tjera.

Javën e shkuar është njoftuar, se versioni online është konceptuar paksa më ndryshe dhe do të quhet News-week global. Në revistën tashmë online, do të ketë material të gjerë mbi ngjarjet botërore në një kontekst më të sofistikuar.

Drejtuesit e revistës Tina Brown and CEO Baba Shetty shprehen, se kjo është menduar si një sfidë drejt teknologjisë. Ata pohojnë se vendimi nuk ka të bëjë me cilësinë e revistës, pasi ajo gjithmonë ka qenë e fuqishme në treg. Mirëpo kohët e fundit stabiliteti i revistës është lëkundur, për cështje ekonomike dhe shpërndarjeje.

(ad.ti/shqiptarja.com)