Një revistë zvicerane, “20 minutes”, e rendit Shqipërinë në një ndër 5 vendet për të kaluar pushimet në shtator. Saranda renditet si një ndër destinacionet e preferuara, në listë me Stambollin në Turqi, Hieren në Framcë, Algraves në Portugali dhe Kalabrinë në Itali.

Lajmin për këtë artikull e bëri publik kryeministri Rama në Facebook, ku shkroi se vendet e Shqipërisë po bëjnë jehone në mediat e huaja.

“Shqipëria turistike vijon të bëjë jehonë në mediat e huaja. “20 Minutes”, një media shumë e njohur zvicerane, në një artikull të fundit të saj iu sugjeron lexuesve që të vijnë për pushimet e shtatorit në Shqipëri. Shqipëria renditet në artikull si destinacioni i parë i preferuar, krahas Stambollit, Hieres në Francë, Algraves në Portugali dhe Kalabrisë në Itali”, shkroi Rama në Facebook.]

Që prej nisjes së sezonit turistik, kryeministri Edi Rama sugjeron në rrjetin e tij social Facebook, destinacione për turistët se ku mund ti kalojnë pushimet verore, si edhe përshtypjet nga turistët vendas e të huaj për bukuritë e rivierës shqiptare.