Ngjitja në podium për herë të parë në Botërorin e skive, të 18-vjeçares që përfaqëson Shqipërinë ishe moment historik për vendin. Lara Colturi u rendit e dyta në garën e Austrisë, një rezultat që më herët as që ishte imagjinuar për Shqipërinë.
“Ne prisnim në 2 vitet e ardhshme dhe ajo u maturua më shpejt. Për Larën ne duhet të jemi krenar të gjithë bashkë. Vërtetë është me origjinë italiane, por është produkt shqiptar. Kemi ato pak kontribute, por janë esensiale. Lara erdhi 14 vjeç dhe nuk ka garuar për asnjë shtet tjetër. As për Italinë. Lara është krijuar dhe me shpirtin shqiptar e kontributet tona,”-u shpreh Toçi.
Në intervistën për Report TV, presidenti i Federatës Shqiptare të Skive Elvis Toçi thotë se pritshmëritë për Larën në të ardhmen e afërt janë shumë të larta.
“Ka vetëm një qëllim, të dalim gjithmonë kampion. Nuk ka qëllim tjetër, por Lara në vetvete maturohet 20 vjeç, fëmija rritet, janë edhe parametrat fizikë, por Shqipërisë kjo do ti bëjë nder. Do na ngrejë në maja shumë shumë të larta. Ne jemi vërtetë një federatë shumë e vogël, shumë modeste, me numër të kufizuar atletësh, por mos të harrojmë që edhe vendet e tjera nga 3-4 sportistë kanë. Zvicra, Austria që janë në ato nivele. Nga 3-4 sportistë kanë,”-tha ai.
Vetë Toçi, siç duket në pamjet e garës, e përjetoi shumë ngjitjen në podium të Larës.
“S’ka emocion më të bukur. Ia uroj të gjithë shqiptarëve ta përjetojnë atë emocion. Në ato pamje të Eurosport, klithmat që vinin nga shpirti, ishin gëzimi më i madh që mund të përjetojë një njeri gjatë jetës së vet. Është një gëzim që nuk mund të blihet me para,”-deklaroi Toçi.
Gara e ardhshme e Lara Colturit do të jetë këtë fundjavë, teksa në SHBA do të marrë pjesë si në Slalom ashtu edhe në Giant Slalom.
“Ç’mund të presim tjetër veçse suksesit. Duhet të jemi me këmbë në tokë, se në Austri me pak fat mundëm Zvicrën, vendin e 3 me vetëm 0.2 të qintat e sekondave,”-u shpreh presidenti i federatës shqiptare të skive.
Lajme të tjera
-
Kupa e Botës për Ski/ Lara Colturi e pafat, nuk mbyll dot lëshimin e dytë në pistën e Levit (VIDEO)
16 Nëntor, 16:17 -
Botërori i Skive/ Lara Colturi, kualifikohet në finalen e Kupës së Botës, Veliaj: Vëmendja ndaj sportit po jep fryte
27 Tetor, 09:47 -
VIDEO/ Fillon Botërori i Skive, Lara Colturi renditet e 16-ta në botë
26 Tetor, 15:21 -
Austri, nesër nis kampionati i skive, Shqipëria përfaqësohet nga Lara Colturi! Toçi: Nesër nis aventura, duhet me patjetër të futemi në top 30
25 Tetor, 21:22 -
Me rezultat fantastik, skiatorja Lara Colturi mbyll botërorin e skive! Nderon Shqipërinë në finalet e Austrisë
17 Mars, 14:35 -
Finalet e Botërorit të Skive, Lara Colturi renditet e 16-ta
16 Mars, 16:32 -
Intervista ekskluzive/ Shkroi historinë e skive, Lara Colturi: Krenare që përfaqësoj Shqipërinë! Të tjerët më thonë se jam frymëzim
13 Mars, 12:47
-
VIDEO/ Historike për Shqipërinë, Lara Colturi në finalet e Kupës së Botës në Ski në dy disiplina
10 Mars, 16:04 -
Historike/ Për herë të parë, Shqipëria në finalet e Botërorit të skive! Colturi: E vështirë, por e lumtur që ia dola!
9 Mars, 15:48
-
Ski/ Colturi e pafat në disiplinën Sllallom, del nga pista! Mbyll Botërorin e të rinjve për Shqipërinë me dy medalje (VIDEO)
3 Shkurt, 13:57 -
Lara Colturi u rendit e treta në Botërorin e skive në Francë, Toçi: Arritje e jashtëzakonshme për Shqipërinë! Në të ardhmen mund të jetë kampione bote
2 Shkurt, 20:55 -
Lara Colturi ngjitet në podiumin e Botërorit, në Francë e prezantojnë si talentin e skive (VIDEO)
2 Shkurt, 15:22
