POP 5

Lajmet më të lexuara të 5 minutave të fundit

Politikë

Rezultatit në 6 qendra votimi, Rama
fitore më të thellë se Xhelili në 2015

Krahas avantazhit të dukshëm mbi Sherefedin Shehun, Muharrem Rama ka shënuar një rezultat akoma më të lartë dhe kundrejt paraardhësit të tij Shukri Xhelili. Kjo edhe në zona ku fitorja e Xhelilit konsiderohej mjaft e rendësishme në Dibrën tradicionalisht të djathtë.
Krahas avantazhit të dukshëm mbi Sherefedin Shehun, Muharrem Rama ka shënuar një rezultat akoma më të lartë dhe kundrejt paraardhësit të tij Shukri Xhelili.
 
Kjo edhe në zona ku fitorja e Xhelilit konsiderohej mjaft e rendësishme në Dibrën tradicionalisht të djathtë.

Në njësitë administrative, Melan dhe Selishtë, Muharrem Rama ka përmbysur rezultatin e zgjedhjeve të vitit 2015, ku fitues ishte kandidati i së djathtës, Ilir Krosi, 

Më e thellë ka qenë fitorja e së majtës në Maqellarë dhe Luzni.  Në Luzni vërehet e njëjta tendencë. Numri i votuesve ishte thuajse i njëjtë me atë të vitit 2015, por diferenca është shumë më e madhe në favor të së majtës. 

Ndërsa në Maqellarë kandidati i majtë ka thelluar rezultatin fitues të 2015-ës me një diferencë prej 588 votash.

Vetë qyteti i Peshkopisë ka votuar sërish bindshëm për PS. Muharem Rama ishte në avantazh me 1232 vota diferencë ndaj Sherefedin Shehut.
 
Por nuk ka qenë e njejta gjë në Kalanë e Dodës, ku këtë vit ka fituar e djathta ndryshe nga zgjedhjet e kaluara.
 
Shehu ka qenë në avanantazh me 176 vota. Megjithatë numërimi ende nuk ka përfunduar për të bërë edhe krahasimin me njësitë e tjera administrative.

 Selishtë 
Konkretisht në Selishtë, në zgjedhjet e vitit 2015 kandidati Ilir Krosi do të fitonte përballë Shukri Xhelilit me 158 vota diferencë, ndërsa në këto zgjedhje kandidati i së majtës Muharem Rama ka arritur të kthejë rezultatin dhe të fitojë me 50 vota diferencë.
 
Në zgjedhjet e vitit 2015, nga 754 vota që ishin në total, kandidati i së djathtës Ilir Krosi mori 456 vota ndërsa Shukri Xhelili 298. Ndërsa në zgjedhjet e djeshme, nga 819 vota, Muharrem Rama arriti të marrë 423 vota ndërsa Sherefedin Shehu 373 vota. 

Melanë
E njëjta situatë është edhe në Melanë. Nga 1934 vota në total, Muharrem Rama arriti të fitojë me 178 vota diferencë. Për kandidatin e majtë kanë votuar 1056 votues, ndërsa për Sherefedin Shehun 878 vota. Ndërsa në zgjedhjet e 2015-ës nga 1673 vota në total për shukri Xhelili shkuan 794 ndërsa për Ilir Krosin e së djathtës 879. Pra një fitore e kandidatit të djathtë me 85 vota diferencë. 

Maqellarë
Ndërkaq fitore më e thellë e kandidatit të së majtës krahasuar me zgjedhjet e shkuara është regjistruar edhe në Maqellarë dhe Luzni. Në zgjedhjet lokale të 21 qershorit të vitit 2015 kandidati i majtë Shukri Xhelili ka fituar kundrejt Ilir Krosit me 75 vota diferencë në Maqellarë. Nga 4635 vota në total kandidati i majtë ka siguruar 2355 prej tyre, ndërkohë që e djathta ka marrë 2280 vota. 

Nga numërimi i kutive të votimit të djeshëm në total janë 5526 vota prej të cilave 3057 janë për Muharem Ramën dhe 2469 për Sherefedin Shehun. Kandidati i majtë ka thelluar rezultatin e zgjedhjeve të 2015-ës me një diferencë prej 588 votash.

Luzni
Në Luzni vërehet e njëjta tendencë. Numri i votuesve ishte thuajse i njëjtë me atë të vitit 2015, por diferenca është shumë më e madhe në favor të së majtës. Në 2015-ën nga 1185 vota në total Xhelili ka marrë 600 ndërsa Krosi 585, pra diferenca ishte 15 vota.

Ndërsa nga numërimi i fletëve të votimit të djeshëm nga 1237 vota në total, Rama ka siguruar 826 kundrejt 411 të Shehut. Diferenca është e dukshme, 415 vota më shumë për kandidatin e majtë, duke ju referuar edhe faktit që në zgjedhjet e 2015-ës në garë ishin 5 kandidatë.

Peshkopi
Qyteti i Peshkopisë ka votuar sërish bindshëm për kandidatin e majtë Muharem Rama me 1232 vota diferencë ndaj Sherefedin Shehut. Dy kandidatët kanë marrë respektivisht; 4855 vota për Muharem Ramën dhe 3623 për Sherefedin Shehun. Edhe në zgjedhjet e kaluara, e majta kishte siguruar fitoren me 4113 vota për Shukri Xhelilin dhe 3766 vota për Ilir Krosin.

Kala e Dodës
Ndryshe nga zgjedhjet e kaluara, në Kalanë e Dodës ka fituar e djathta. Sherefedin Shehu i PD ka marrë 498 vota, ndërsa Muharem Rama 322 vota. Në zgjedhjet e kaluara në njesinë administrative të Kalasë së Dodës fitoi e majta me Xhelilin me 425 vota, kundrejt 419 votave që mori kandidati i djathtë.


Redaksia Online
Al.Ç/Al.N/Shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

15 Janar, 21:27 nga Xhensila Nako