Rezultoi i dënuar në Greqi, shtyhet seanca në KQZ për mandatin e kryebashkiakut të Mallakastrës, avokati: Kërkojmë kohë për mbrojtjen

Qerim Ismailaj, kryetar i bashkisë së Mallakastrës

Komisioni Qendror i Zgjedhjeve ka vendosur që të shtyjë me dy ditë seancën për rezultatin e verifikimit për kryetarin e bashkisë së Mallakastrës Qerim Ismailajt, i cili rezultoi i dënuar në mungesë me 3 vite burg në Greqi për përleshje dhe rrahje me persona të tjerë.

Komisioni Qendror i Zgjedhjeve ka pranuar kërkesën e palës mbrojtëse së kryetarit të Bashkisë së Mallakastrës Qerim Ismailajt për të shtyrë seancën pasi kërkonte që të paraqiste mbrotjen me shkrim.

'Kërkoj kohë për të paraqitur mbrojtjen me shkrim, më mjafton edhe një ditë.'- tha pala mbrojtëse e Ismailajt.

Celibashi: Pranohet kërkesa juaj, mbledhja e radhës do të zhvillohet të premten.

Qerim Ismailaj është dënuar në Greqi nga Gjykata e Chios me 3 vite burg në mungesë për veprën penale "Konflikti dhe përleshjes". Kjo vepër penale në Kodin tonë Penala korrespondon me veprën "dëmtime të tjera me dashje" parashikuar nga ne 90/1 e cila sanksionon vetëm dënim me gjobë, vepër që nuk e prek ligji i dekriminalizimit. Por Ismailaj ka gënjyer në formularin e dekriminalizimit duke mos e shkruar këtë dënim dhe për këtë ai akuzohet për falsifikim të formularit të dekriminalizimit. 

Prokuroria i nisi hetimet vitin e kaluar pas denoncimit të Partisë Demokratike, që pretendonte se ka qenë i dënuar për plagosje me dashje në një ngjarje të ndodhur në Shkurt të vitit 2000. Qerim Ismailaj, i dalë kryebashkiak nga zgjedhjet e 30 qershorit 2019 , u akuzua nga PD përmes Sekretarit të saj të Përgjithshëm, Gazment Bardhi se ai ka gënjyer në formularin e dekriminalizimit pasi ka qenë i dënuar në Greqi. Vetë Ismailaj ka deklaruar se nuk kishte dijeni lidhur me këtë dënim, pasi në të kundërt do e kishte deklaruar sepse nuk do e kishte penguar të kandidonte për kryebashkiak.

M.Q./Shqiptarja.com
  • Sondazhi i ditës:

    A besoni se premtimet e programit të qeverisë Rama 3 do të realizohen?

Komento


×

Lajmi i fundit

John

Reshje të dendura në Kukës, përmbyten disa rrugë të qytetit, probleme në qarkullimin e automjeteve