POP 5

Lajmet më të lexuara të 5 minutave të fundit

Bota

Riaktivizohet për herë të pestë vullkani Etna, reja shkon në 10 kilometra lartësi, ndërpriten fluturimet në aeroportin e Katanias

Pas aktivitetit vullkanik të Etna, njësia e krizës e aeroportit Fontanarossa të Katanias urdhëroi edhe mbylljen e sektorit B1 dhe reduktimin e mbërritjeve në gjashtë fluturime në orë.

Riaktivizohet për herë të pestë vullkani Etna, reja shkon në 10 kilometra lartësi, ndërpriten fluturimet në aeroportin e Katanias

Pamje nga shpërthimi i vullkanit Etna, Itali

Itali- Vullkani i frikshëm i Etna-s riaktivizohet për të pestën herë, duke rikthyer edhe frikën e panikun në zonën e Katanias, Itali.

Faza më spektakolare u rikthye mbrëmë, e pesta që ka regjistruar vullkani më i lartë aktiv në Evropë që nga 4 korriku. Protagonist, edhe një herë, është krateri Voragine, me “shatërvanë” shumë të lartë llave dhe emetimin e një reje vullkanike 10 kilometra të lartë dhe që penalizon plotësisht fluturimet në këtë zonë, shkruan “La Repubblica”.

“Shpërndarja e hirit është në drejtim juglindor dhe bie në disa qendra të banuara nga Etna. Fenomeni u vëzhgua nga Instituti Kombëtar i Gjeofizikës dhe Vullkanologjisë i Katanias, i cili lëshoi ​​një buletin paralajmërues për fluturimin, një Vona, me ngjyrë të kuqe”, theksohet po aty për detajet e ngjarjes gjeofizike.

Amplituda mesatare e dridhjes vullkanike, raporton INGV, Observatori Etna, tregoi një rritje të papritur rreth orës 03:20 të mëngjesit, duke shkuar nga vlera mesatare në shumë të larta në orën 04:40. Më pas aktiviteti pasi u intensifikua, u shndërrua në një shatërvan llave.

Aktualisht, dridhja vullkanike, e cila sinjalizon energjinë e kanaleve të brendshme magmatike të vatrës vullkanike, po zvogëlohet me shpejtësi, duke u vendosur aktualisht në vlera mesatare-të larta, por me një tendencë uljeje.

Pas aktivitetit vullkanik të Etna, njësia e krizës e aeroportit Fontanarossa të Katanias urdhëroi edhe mbylljen e sektorit B1 dhe reduktimin e mbërritjeve në gjashtë fluturime në orë.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça