POP 5

Lajmet më të lexuara të 5 minutave të fundit

Kronikë

Riatdhesimi/ Mungojnë dhoma teke, një emigrant që kthehet i vetëm duhet të paguajë 4 bileta avioni

Në hotelet e Durrësit, të cilat janë vënë në dispozicion të karantinës, janë zënë të gjitha dhomat teke e kështu, kush kthehet në Shqipëri vetëm, duhet të zejë një dhomë me katër shtretër, duke paguar 28 euro në ditë, e jo 7 euro. Gjithashtu i duhet të paguaj 4 bileta avioni.

Riatdhesimi/ Mungojnë dhoma teke, një emigrant që kthehet i vetëm duhet të paguajë 4 bileta avioni

Sistemi i riatdhesimit nuk e ka parashikuar hipotezën që një emigrant dëshiron të kthehet i vetëm në atdhe. Në hotelet e Durrësit, të cilat janë vënë në dispozicion të karantinës, në fakt, janë zënë të gjitha dhomat teke e kështu, kush kthehet në Shqipëri vetëm, duhet të zejë një dhomë me katër shtretër, duke paguar 28 euro në ditë, e jo 7 euro. Por problemi i vërtetë, që e kthen këtë problem në një gafë organizative, është se një emigrant duhet të blejë edhe katër bileta avioni, edhe kur udhëton i vetëm. “Unë udhëtoj vetëm – na tregon një emigrant që telefonon nga Roma duke kërkuar të mbetet anonim – dhomat teke, dyshe e treshe janë të gjitha të zëna, kështu që pranova të prenotoj një dhomë katërshe. Por, kur kalova tek faza e prenotimit të fluturimit online, sipas kërkesave të qeverisë, në sajtin e Air Albania-s më kërkojnë të blej 4 bileta, aq sa janë shtretërit e prenotuar. Telefonova në Air Albania dhe më konfirmuan se kjo është procedura dhe ata nuk mund të bëjnë asgjë: prenotova një dhomë katërshe, kështu që duhet të paguaj 4 bileta avioni”.         

Dhe, pyetjes se si mund të prenotohen 4 bileta kur personi që fluturon është vetëm një, kompania i përgjigjet: shkruani të njëjtin emër katër herë.

 Kjo gafë rrezikon t’u hapë rrugë edhe spekulimeve të tjera. Në fakt, hotelet marrin për çdo shtrat të prenotuar e të paguar nga qytetari një kompensim nga shteti për shpenzime ushqimi. Po kur në një dhomë katërshe fle një person i vetëm, sa vakte do të rimbursojë shteti?

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emigranti: 17/04/2020 18:18

    KA KA KA KAAA KAA KLLOCKA E RAMES BELINDA E NGATEROJE MUABETIN KEQ JEMI SHTET DIKTATORESK

    Përgjigju
  • tito: 17/04/2020 18:05

    S'e besoj. Te pyeska Air Albania me ke je ne dhome? E po qe vetem, paguan 4 bileta? E pamundur. Ca u bo Air Albania, kujdestare konvikti?

    Përgjigju
  • PATETINA: 17/04/2020 16:05

    SHTET PATETINASH

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03