Kërkesa për ndihmë e një gruaje se djali i saj 19-vjeçar ndodhej i rrezikuar në Sierra Leone në kontinentin afrikan, vuri në lëvizje Ministrinë e Jashtme.
Pasi gruaja trokiti në derën e Ministrisë, nëpërmjet kanaleve diplomatike dhe me mbështetje të autoriteteve vendase e partnerëve ndërkombëtarë u mundësia riatdhesimi i të riut shqiptar në Tiranë, pas disa ditësh përpjekje.
Ministria e Jashtme tha përmes një njoftimi zyrtar se në bashkëpunim me ministrinë e Brendshme, i riu shqiptar për të cilin Report Tv mëson se kishte rreth 5 muaj që ndodhej në Sierra Leone, u kthye i sigurt dhe i shëndetshëm pranë familjes së tij. Atij iu mundësua një fluturim i sigurt nga aeroporti ndërkombëtar në Sierra Leone drejt Rinasit.
Ende nuk ka më shumë detaje se në çfarë situate rreziku ndodhej i riu, dhe se për çfarë arsyeje kishte shkuar në Afrikën e largët. Por, Policia e Shtetit në një deklaratë për mediat tha se e ëma pretendonte se i biri ishte rrëmbyer dhe ka arritur që të shpëtojë dhe të shkojë në stacionin e policisë së këtij qyteti.
“Nëpërmjet kanaleve diplomatike dhe me mbështetje të koordinuar me autoritetet vendase dhe partnerët ndërkombëtarë, u mundësua një reagim i shpejtë dhe i efektshëm. Me përpjekjet e Ministrisë për Evropën dhe Punët e Jashtme, në bashkëpunim të ngushtë me Ministrinë e Brendshme, operacioni u përmbyll me sukses brenda një periudhe të shkurtër, duke bërë të mundur që i riu të kthehej i sigurt dhe i shëndetshëm pranë familjes së tij”, njoftoi institucioni.
Edhe nëna e adoleshentit ka reaguar për këtë operacion me fund të lumtur, duke falenderuar autoritetet, MPEJ, Ministrinë e Brendshme dhe Policinë e Shtetit, që i sollën djalin shëndoshë e mirë, 5 muaj pa e takuar
“Falenderoj Ministrinë e Jashtme, që mundësoi ardhjen e djalit tim. Kaluan një javë sakrificash me gatishmëri. Unë si nënë jam shumë e lumtur që takova djalin tim pas kaq kohësh, pas 5 muajsh. Falenderoj si nënë Policinë e Shtetit dhe veçanërisht ministrin, që më ndihmuan dhe më sollën djalin shëndoshë e mirë nga Afrika”, shprehet ajo e emocionuar.
Ministria e Jashtme shprehu falënderimet për të gjithë autoritetet që morën pjesë në këtë operacion dhe siguron se do të vazhdojë të ofrojë mbështetje të palodhur për shtetasit shqiptarë, kudo që ndodhen.
Policia e Shtetit ka dalë me një njoftim zyrtar për riatdhesimin e 19-vjeçarit shqiptar nga Sierra Leone në Afrikë. Policia thotë se ka qenë nëna e të riut që ka kërkuar ndihmë në Ministrinë e Jashtme për të shpëtuar të birin, që sipas saj ishte rrëmbyer në këtë qytet. Policia thotë se sipas pretendimit të nënës, i riu ka arritur që të shpëtojë dhe të shkojë në stacionin e policisë në Sierra Leone
Bazuar në informacionin e marrë nga komunikimi mes MEPJ-së dhe Policisë së Shtetit, rezultonte se 19-vjeçari ndodhej në gjendje të rënduar emocionale. Edhe për të mundësuar kthimin e tij në Shqipëri, ishte e nevojshme ndërhyrja e oficerëve të specializuar të Policisë së Shtetit për ta shoqëruar nga qyteti Freetown në Siera Leone në Tiranë.
Njoftimi i plotë i Policisë së Shtetit
Finalizohet me sukses operacioni i ndihmës dhe riatdhesimit nga Sierra Leone drejt Shqipërisë i një 19 vjeçari.
Policia e Shtetit, pasi mori në rrugë elektronike nga Ministria për Evropën dhe Punët e Jashtme kërkesën e një shtetaseje që kërkonte ndihmë nga shteti për kthimin e të birit në Shqipëri, e cila pretendonte se djali i saj 19 vjeçar, ishte rrëmbyer në qytetin Freetoën, Sierra Leone, dhe më pas kishte arritur të shpëtonte duke shkuar në stacionin e policisë së këtij qyteti.
Bazuar në informacionin e marrë nga komunikimi mes MEPJ-së dhe Policisë së Shtetit, rezultonte se 19 vjeçari ndodhej në gjendje të rënduar emocionale dhe për të mundësuar kthimin e tij në Shqipëri, ishte e nevojshme ndërhyrja e oficerëve të specializuar të Policisë së Shtetit për ta shoqëruar nga qyteti Freetoën në Tiranë.
Menjëherë, Policia e Shtetit organizoi punën për dërgimin e punonjësve të Policisë (nga Interpol Tirana dhe nga Reparti Special RENEA) në Sierra Leone, me qëllim shoqërimin e 19 vjeçarit, duke bashkëpunuar ngushtësisht me Ministrinë për Evropën dhe Punët e Jashtme për procedurat e pajisjes me vizë hyrëse dhe me oficerin e kontaktit të Policisë së Shtetit të atashuar pranë Ambasadës shqiptare në Londër/Mbretëria e Bashkuar.
Interpol Tirana koordinoi gjithashtu me Interpol Freetoën për kthimin sa më të shpejtë të 19 vjeçarit në Shqipëri.
Oficerët e Policisë së Shtetit udhëtuan drejt Sierra Leone, ku zhvilluan takim me përfaqësues të Interpol Freetoën, dhe pas koordinimit të nevojshëm, u mundësua udhëtimi i 19 vjeçarit drejt Shqipërisë, i cili është realizuar pa asnjë problem.
Nëna e 19 vjeçarit ka falënderuar Policinë e Shtetit dhe MEPJ-në për kthimin e djalit në Shqipëri.
Policia e Shtetit falënderon homologët për bashkëpunimin, ndihmën dhe mbështetjen gjatë këtij operacioni ndihme dhe riatdhesimi.
Komente
Lajme të tjera
-
Riathesimi i 19-vjeçarit nga Sierra Leone, reagon policia: Nëna pretendonte se i biri ishte rrëmbyer, i biri kishte shpëtuar dhe kishte shkuar në polici
27 Mars, 20:52 -
Asambleja e Përgjithshme e Confindustria Albania, Hasani: Ministria e Jashtme urë e fortë lidhëse për tërheqjen e investitorëve të huaj
27 Mars, 16:38 -
Zgjedhjet e 11 majit/ Ambasadori Lamberto Zannier do të kryesojë misionin e vëzhguesve të OSBE/ODIHR, më 1 prill takime te Ministria e Jashtme dhe KQZ
18 Mars, 11:52 -
Hasani në Mynih: Shqipëria, angazhim të fortë për forcimin e partneriteteve, sigurinë rajonale dhe sovranitetin territorial të Ukrainës
16 Shkurt, 14:47 -
Hasani në takimin e Nivelit të Lartë të Grupit ‘Miqtë e Ballkanit Perëndimor’ në Romë: Shqipëria, angazhim të palëkundur për stabilitetin rajonal dhe integrimin në BE
10 Shkurt, 19:33 -
Pas urdhrit të Trump, Ambasada e SHBA njofton ngrirjen e fondeve për institucionet shqiptare, mes tyre dhe SPAK (LISTA)
29 Janar, 16:57 -
Dita Ndërkombëtare e Holokaustit, Hasani: Nuk do të harrojmë, të mësojmë nga historia! Të përballemi me antisemitizmin në rritje, humanizëm dhe paqe
27 Janar, 09:10 -
Dy shqiptarë shpallen non-grata nga Serbia: Sulm i paprecedentë, s'na dhanë asnjë shpjegim! Hasani i kërkon llogari ambasadorit: Rishikoni vendimin
23 Janar, 18:50 -
Ministri Igli Hasani viziton Kievin: Mbështetje e palëkundur e Shqipërisë për sovranitetin e Ukrainës! Forcim i bashkëpunimit mes dy vendeve
17 Janar, 14:31 -
Ministria e Jashtme reagon për tragjeditë në Mal të Zi dhe SHBA: Ngushëllimet tona më të thella për familjet e të gjitha viktimave
2 Janar, 14:35 -
Rama: Shumë shqiptarë në Gjermani po kërkojnë rimarrjen e shtetësisë, duhet angazhim! Marrëveshja me Greqinë për pensionet, e vështirë
19 Dhjetor 2024, 10:07 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor 2024, 11:31
Ka qene duke kerkuar ate te semes ne Sierra Leonr
PërgjigjuPo me shqipyaret qe kalojne kufirin ne slloveni eshte bere ndonje gje se i trajtojne si funderina
PërgjigjuNena e adoleshentit ndoshta nga trute se nga mosha eshte 19vjec or teeeejjjjj
Përgjigju