Ricciardo fiton në Hungari, Alonso
dhe Hamilton surprizat e podiumit

Daniel Ricciardo është fituesi i Çmimit të Madh në garën e Hungarisë. Piloti i Red Bull arriti që të zhvillonte një garë mjaft të mirë duke kulmuar me 3 xhirot e fundit, teksa kaloi spanjollin e Ferrarit, Alonso duke i marrë vendin e parë. Australiani ia doli që të fitonte edhe pse realizoi një ndalesë më shumë në bokse se Alonso dhe Hamilton.
 
Alonso bëri një paraqitje pozitive edhe pse në fillim të garës askush nuk do ta mendonte se do të përfundonte në këtë mënyrë në vendin e dytë në podium. Fitoren e kishte vetëm tre xhiro larg, megjithatë edhe vendi i dytë është rezultat i kënaqshëm duke pasur parasysh problemet e fundit që kanë shoqëruar këtë skuderi. Një fakt i tillë u pa qartë edhe pas garës, teksa spanjolli mori mjaft përgëzime për paraqitjen.
 
Surpriza tjetër e garës ishte padyshim, britaniku i Mercedes, Hamilton. Edhe pse u nis nga vendi i fundit, kjo nuk e pengoi që të arriti në mesin e më të mirëve në podium. Vendi i tretë ishte si një fitore për britanikun që nuk u ndal së parakaluari në Hungari.  Por gara është mbyllur edhe një problem në skuderi që paralajmëron punë në të ardhmen, pasi Hamilton në xhirot e fundit kishte një urdhër për t’i hapur krahun Rosberg, por britaniku nuk u bind.


d.b/shqiptarja.com

TAG:
• OSBE