POP 5

Lajmet më të lexuara të 5 minutave të fundit

Kosova & Rajoni

Richard Grenell në Berlin takim me delegacionin e LDK: Të hiqet taksa 100 për qind ndaj mallrave serbe

“Ambasadori Grenell, po ashtu, kërkoi nga delegacioni që të hiqet tarifa ndaj mallrave serbe dhe të përqendrohet në politikat që thellojnë zhvillimin ekonomik dhe krijojnë vende pune për popullin e Kosovës”, thuhet në komunikatën e LDK’së

Richard Grenell në Berlin takim me delegacionin e LDK: Të hiqet taksa 100 për qind ndaj mallrave serbe

Lidhja Demokratike e Kosovës tha të premten së një delegacion i saj është takuar me ambasadorin Richard Grenell, të dërguarin e posaçëm të presidentit amerikan Donald Trump, për bisedimet e paqes ndërmjet Kosovës dhe Serbisë.

Sipas një njoftimi të kësaj partie, ambasadori Grenell inkurajoi delegacionin e Lidhjes Demokratike që të ruajë përkushtimin për rend dhe ligj dhe të marrë vendime të cilat e çojnë përpara dialogun me Serbinë.

Ambasadori Grenell, po ashtu, kërkoi nga delegacioni që të hiqet tarifa ndaj mallrave serbe dhe të përqendrohet në politikat që thellojnë zhvillimin ekonomik dhe krijojnë vende pune për qytetarët e Kosovës. Delegacioni i Lidhjes Demokratike e njoftoi ambasadorin Grenell për përpjekjet që po bëhen për të arritur një marrëveshje për formimin e qeverisë, thuhet në njoftim.

Takimi ndodhi në një periudhë kur Lidhja Demokratike dhe lëvizja Vetëvendosje, po kërkojnë rrugët e arritjes së një marrëveshjeje për formimin e qeverisë së re në bazë të rezultatit të zgjedhjeve të parakohshme parlamentare të 6 tetorit.

Presidenti i Kosovës Hashim Thaçi dhe kryetari i lëvizjes Vetëvendosje, Albin Kurti, pritet të takohen të hënën me 6 janar lidhur me caktimin e mandatarit për formimin e qeverisë.

Negociatat e deritashme të kësaj lëvizjeje që doli e para dhe Lidhjes Demokratike nuk siguruan një marrëveshje, por të dyja palët kanë paralajmëruar se java që po vjen mund të jetë vendimtare për këtë çështje.

 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbëri: 03/01/2020 15:18

    Ka shumë ”shqiptarë ” që vajtojn e vajtojn se serbia ka humbur mil € , fëlliqësira të ndyera jan këta !

    Përgjigju
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Një kombinim i dizajnit të pakohë dhe fuqisë së pametë; Të gjitha risitë që vijnë me serinë e re të Galaxy S25

Një kombinim i dizajnit të pakohë dhe fuqisë së pametë; Të gjitha risitë që vijnë me serinë e re të Galaxy S25

30 Janar, 10:26