Këngëtarja Rihanna dyshohet se ka një lidhje intime me boksierin britanik Dadli O’Shonesi. Por duket se deri tani kjo lidhje mundtë jetë sekrete, pasi ata nuk janë kapur në asnjë çast nga fotografët. Flitet se të dy janë parë së fundmi në Londër, teksa këngëtarja ishte aty për një koncert. Ata janë parë në barin londinez “Mahiki”, duke u argëtuar në një atmosferë romantike, ndërsa më vonë gjatë mbrëmjes janë larguar në drejtim të panjohur. Miq pranë këngëtares pohojnë se lidhja saj me boksierin britanik ka nisur në fillim të shtatorit, teksa po xhironte në Irlandë, ku edhe është njohur me Dadli.