POP 5

Lajmet më të lexuara të 5 minutave të fundit

Sociale

Rikonstruktohet blloku i banimit te
Brryli, Veliaj: Ndërhyjmë në 50 lagje

Përfundon rikonstruksioni i plotë i infrastrukturës në bllokun e banimit në zonën e Brrylit në kryeqytet  VIDEO
Rikonstruktohet blloku i banimit te<br />Brryli, Veliaj: Ndërhyjmë në 50 lagje
Blloku i banimit në afërsi të zonës së Brrylit, në Njësinë Administrastive Nr.3, ka marrë një pamje krejt të re. Bashkia e Tiranës ka përfunduar rikonstruksionin e plotë të infrastrukturës rrugore në këtë bllok pallatesh, duke sjellë një standard të ri në rrugë, trotuare, kanalizime dhe ndriçim. Përfundimi i punimeve është inspektuar nga Kryetari i Bashkisë, Erion Veliaj , i cili theksoi se edhe pse me fonde të pakta, bashkia po angazhohet për të garantuar standarde më të mira jetese për çdo banor të Tiranës.

“Falenderoj banorët për mirëkuptimin dhe respektin që kanë treguar për punonjësit e Bashkisë, teksa kemi kryer këtë investim. Ju e dini fare mirë që Bashkia nuk është në gjendjen më të mirë financiare, por si çdo familje kandiset me atë që ka, kursen dhe mundohet që me pak investime të kenë duk gjërat në familje. Edhe Tirana është si familja jonë e madhe, pavarësisht vështirësive kemi filluar të ndërhyjmë lagje më lagje”, tha Veliaj.

Kryebashkiaku veliaj shtoi se është e rëndësishme që çdo qytetar të kontribuojë edhe për mirëmbajten e këtij investimi.

“Ky është një kontribut vetëm i Bashkisë së Tiranës, çka do të thotë që ku ka vullnet, ka një rrugëzgjidhje. Tani është në dorën tonë që t’i mirëmbajmë, të denoncojmë kur dikush dëmton trotuaret, çan asfaltin, kur dikush fillon e ngul kangjella apo saldon shufra hekuri për të na krijuar mure dhe barriera me njëri – tjetrin”, tha Veliaj.

Ai premtoi që edhe në këtë zonë do të ketë një kënd lojërash për fëmijët.

“Ne kemi qenë te Materniteti i Ri, aty ku po bëjmë një kënd të bukur lojrash siç është ai tek “Mine Peza”, siç po bëjmë atë tek Presidenca, siç është ai tek liqeni, që edhe vogëlushët tanë të kenë një hapësirë ku mund të luajnë dhe një hapësirë dinjitoze për të kaluar kohën”, tha Veliaj. Kryebashkiaku deklaroi se të tjera projekte janë në proces, si ai i administratorëve për të cilët sërish duhet bashkëpunimi i çdo qytetari.

“Duke filluar nga muaji shtator do të fillojmë me regjistrimin e administratorëve të pallateve. Aty ku pallati e ka zgjedhur një administrator, do ta pranojmë atë zgjedhje, kurse aty ku nuk bien dakord banoret do e caktojë Bashkia, në mënyrë që çdo problem të zgjidhet me konsensus e mirëkuptim brenda këtij territori”, theksoi Veliaj.

Kryetari i bashkisë tha se deri në fund të vitit do të ndërhyhet në plot 50 lagje.

"Ne planifikojmë që deri në fund të vitit, të ndërhyjmë në 50 lagje, si tilla. Unë besoj se duke ndërhyrë në kaq shumë lagje, kemi kaluar nga investimet që bëheshin vetëm në bulevardin kryesor dhe në qendër të Tiranës, në nivel kapilar në çdo lagje, por kërkoj që t’i ruajmë e t’i gëzojmë bashkë”, deklaroi Veliaj.

Falë ndërhyrjes së bashkisë në njësinë nr. 3 është bërë i mundur asfaltimi i rrugëve, riparimi i plotë i rrjetit të ujësjellës – kanalizimeve, janë krijuar trotuaret dhe janë shtruar me pllaka, janë liruar hapësirat e zëna publike, janë shtuar hapësirat e gjelbra, ndërkohë që është vendosur dhe sistemi i ndriçimit dhe sinjalistikës.

Redaksia Online
A.Ç/Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51