Veriu i vendit është përfshirë nga reshjet e dëborës, të cilat vazhdojnë me intensitet të lartë. Aktualisht në akset rrugore Tamarë - Selcë - Vermosh; Bogë - Qafë Thorë- Theth; dhe Pukë - Fushë Arrëz - Qafë Mali ka prezencë të dendur të borës.
Policia Rrugore apelon drejtuesit e mjeteve të bëjnë kujdes, të reduktojnë shpejtësinë dhe të pajisen me zinxhirë e goma dimërore.
Më herët, shërbimet e Policisë në bashkëpunim me borëpastrueset i shkuan në ndihmë një drejtuesi mjeti nga Saranda i cili mbeti i bllokuar në aksin Theth-Bogë, pasi qarkullonte me goma verore. Në Qafë-Thore dhe në Qafë-Mali, trashësia e borës është mbi 50 centimetra. Borëpastrueset janë në terren për pastrimin e rrugëve dhe shpërndarjen e kripës.
Edhe në qarkun e Korçës, janë rikthyer reshjet e dëborës me intesitet të ulët deri mesatar në formë shiu dhe dëbore në zonat malore mbi 1300 m. Reshjet janë regjistruar në fshatrat Vithkuq dhe Dardhë, ku në rrugen e Dardhës nga km 9-14 trashësia e dëborës ka shkuar deri në 8 cm. Në Qafë Thore raportohet se trashësia e borës ka arritur deri mbi 50 cm.
Edhe Durrësi është përfshirë nga moti i keq, me erë të fortë dhe reshje shiu. Në këto kushte të tilla të motit, është pezulluar lundrimi i peshkarexhave.
Moti i keq ka pushtuar vendin dhe veçanërisht zonat veriore.
Për këtë shkak Drejtoria e Policisë Shkodër dhe ajo Rrugore kanë marrë masat e duhura, me qëllim shmangien e aksidenteve dhe këshillimin e drejtuesve të mjeteve.
Shërbimet kanë rritur numrin e patrullave dhe forcave në akset rrugore urbane e rurale, si pasojë e motit te keq me reshje shiu dhe dëbore.
Aktualisht në akset rrugore Tamarë-Selcë-Vermosh; Bogë-Qafë Thorë-Theth dhe Pukë-Fushë Arëz-Qafë Mali, ka prezencë të dëborës, pasi vijonjë pa ndërprerje reshjet e dëborës.
“Borëpastrueset janë në terren dhe vijojnë punën për pastrimin e rrugëve nga bora dhe për shpërndarjen e kripës. Shërbimet e Policisë Rrugore në bashkëpunim me borëpastrueset i kanë shkuar në ndihmë një drejtuesi mjeti nga Saranda, i cili kishte mbetur i bllokuar në aksin rrugor Theth-Bogë, dhe kishte kërkuar ndihmë te 112, pasi duke qarkulluar me goma verore e kishte të pamundur të vijonte lëvizjen”, njoftoi policia vendore.
Policia Rrugore apeloi gjithashtu për drejtuesit e mjeteve që të bëjnë kujdes në lëvizje, të respektojnë sinjalistikën rrugore, të reduktojnë shpejtësinë, të pajisen me zinxhirë dhe goma dimërore dhe të ndjekin udhëzimet e shërbimeve. Në rast nevoje për ndihmë, të telefonojnë në numrin 112.
Moti i keq me erë të fortë dhe reshje shiu ka përshirë qytetin bregdetar të Durrësit.
Në kushte të tilla të motit, është pezulluar aktiviteti i peshkimit.
Burime për Report tv, bëjnë me dije se stuhitë detare rrezikojë anijet e peshkimit, për këtë arsye nuk do të dalin në det për të zhvilluar aktivitetin e tyre.
Vijojnë reshjet e dëborës në qarkun e Korçës, të cilat kanë nisur prej mbrëmjes së djeshme (8 dhjetor) me intensitet të ulët deri mesatar në forme shiu dhe dëbore në zonat malore në mbi 1300 m.
Në rrugën e Dardhës nga km 9- 14 trashësia e dëborës ka shkuar deri në 8 cm.
Mjetet borëpastruese gjatë natës, por edhe gjatë mëngjesit të sotëm kanë zbritur në terren për pastrim dhe kriposje duke bërë që qarkullimi të vijojë normalisht.
Drejtuesit e mjeteve duhet të tregojnë kujdes të shtuar e të pajisen me goma dimërore, kur udhëtojnë për në zonat me prezencë dëbore.
Temperaturat e ulëta gjatë fundjavës kanë risjellë sërish borën në veri të vendit.
Reshjet e borës kanë vazhduar gjatë gjithë natës duke e zbardhur totalisht aksin Tamarë-Vermosh. Në Qafë Thore raportohet se trashësia e saj ka arritur deri mbi 50cm.
Ndërkohë borëpastrueset kanë punuar pa ndërprerje për pastrimin e akseve dhe qarkullimin e automjeteve pa probleme.
Rekomandohen që përdoruesit e rrugës, të lëvizin me shpejtësi të reduktuar.
Lajme të tjera
-
Fushë Arrëz/ Reshjet e dëborës vështirësojnë qarkullimin në Iballë, borëpastrueset në terren (VIDEO)
26 Dhjetor, 09:38 -
Ballkani nën stuhi të forta bore
25 Dhjetor, 12:44 -
Reshjet e dëborës në disa akse, ARRSH: Drejtuesit e mjeteve të pajisen me goma dimërore dhe zinxhir! Borëpastrueset në terren
24 Dhjetor, 08:39 -
Moti për sot/ Reshje shiu dhe dëbore në gjithë territorin
24 Dhjetor, 07:40 -
Moti i keq/ Pezullohet lundrimi i trageteve Durrës-Bari e anasjelltas, në Vlorë trageti mbetet në radë! Rruga e Arbrit e pakalueshme
23 Dhjetor, 13:45 -
Mot me shi, ndalohet lundrimi i peshkarexhave në Vlorë! Vijon normalisht për tragetet
20 Dhjetor, 10:29 -
Bulqizë/ Reshje të dendura shiu, bëhet e pakalueshme rruga që lidh dy lagjet e qytetit! Banorët heqin këpucët për të kaluar (VIDEO)
15 Dhjetor, 11:51 -
Moti i keq/ Kapiteneria e Portit të Durrësit dhe Vlorës ndalon sot lundrimin e anijeve të vogla të peshkimit! Tragetet vijojnë normalisht
14 Dhjetor, 10:06 -
Pamje spektakolare! Bora zbardh luginën e Valbonës, vizitorë të shumtë edhe nga Kosova: Problem energjia për bizneset, të zhvillohet zona (VIDEO)
8 Dhjetor, 15:04
-
FOTOT/ Mali i Gramozit dhuron pamje spektakolare, turistët shijojnë ‘magjinë’ e dëborës
3 Dhjetor, 08:09 -
VIDEOLAJM/ Dardha turistike nën petkun e bardhë, vizitorë e vendas luajnë me topa bore
1 Dhjetor, 13:24 -
Moti i keq/ Korça dhe veriu i vendit nën ‘pushtetin’ e borës, trashësia deri në 60 cm! Mijëra banorë pa energji, s'ka probleme me qarkullimin (VIDEO)
1 Dhjetor, 09:48
