Rikthehet sërish kultivimi i drogës në Lazarat. Një 57-vjeçare është arrestuar nga policia pasi gjatë një kontrolli në banesën e saj u gjetën të mbjella 40 rrënjë kanabis sativa.

Droga u gjet e mbjellë në oborrin e banesës së 57-vjeçares D.Nuri. Dosja me materialet i ka kaluar Prokurorisë së Gjirokastrës për veprën penale “Kultivim i bimëve narkotike”.

Lazarati ishte zona ku kultivohej më shumë kanabis, por pas një aksioni të policisë në vitin 2014 fshati ra në duart e policisë dhe shtetit ligjor. Që prej rënies së Lazaratit, ka patur vetëm raste të izoluara të kultivimit të drogës.

Redaksia Online
XH.K/shqiptarja.com