TIRANË- Report Tv do sjellë një herë në muaj sondazh në bashkëpunim me sondazhistin e mirënjohur Eduard Zaloshnja për temat më të rëndësishme të aktualitetit politik.
Mbrëmjen e sotme në emisionin ‘Repolitix’ u transmetua sondazhi i parë ku qytetarët janë pyetur për një sërë çështjesh, nga Fredi Beleri, tek kabineti i ri, vlerësimi për qeverinë Rama dhe opozitën, politikani më i preferuar dhe se për kë do të votonin nëse sot (13 shtator 2023) do të mbaheshin zgjedhjet parlamentare.
Kampioni i sondazhit është 1102 banorë të rritur nga e gjithë Shqipëria të cilët janë pyetur me mesazh, si edhe marzhi i gabimit +/- 3.5%.
Çfarë mendojnë qytetarët shqiptarë për çështjen Beleri? Sipas rezultateve të sondazhit 82.6% janë kundër betimit të Belerit dhe 17.4% janë pro. Konkretisht, 75.0% thonë se Beleri nuk duhet të betohet. 7.1% janë përgjigjur ‘po’, 10.3% ‘ndoshta po’ dhe 7.6% ‘ndoshta jo’.
Sa i takon vlerësimit të punës së qeverisë, ndërsa Edi Rama është në vijim të mandatit të tretë, 61% e vlerësojnë negativisht performancën e mazhorancës dhe 38.9% pozitivisht. Por, teksa i kanë dhënë ‘notë të keqe’ qeverisjes së PS, sërish qytetarët do i besonin edhe një mandat të katërt Ramës në krye të qeverisë.
Nëse zgjedhjet parlamentare do të mbaheshin ditën e sotme (13 shtator) 36.3% ose 740 mijë qytetarë do të votonin për Partinë Socialiste. Sipas sondazhit të Report Tv, Rithemelimi i Sali Berishës do dilte forcë e dytë me 21.6% të votave ose 440 mijë vota.
Partia Demokratike dhe Partia e Lirisë nuk do të merrnin as më shumë se 5% të votave. 100 mijë qytetarë ose 4.9% do të votëbesonin Lulzim Bashën për kryeministër, ndërsa Partia e Lirisë do të merrte vetëm 75 mijë vota ose 3.4% të votave. 70 mijë qytetarë do të votonin për partitë e tjera të vogla opozitare.
Ndërsa 615 mijë qytetarë ose 30.1% nuk do të votonin nëse zgjedhjet parlamentare do të zhvilloheshin sot më 13 shtator.
Kreu i qeverisë ruan sërish vendin e parë si politikani më i preferuar i shqiptarëve me 40.0%, i ndjekur nga Sali Berisha me 21%. I treti vjen Lulzim Basha me 4.7% dhe në fund mbetet Ilir Meta me 3.7%.
Teksa kryeministri Rama dhe PS shihen në një pozitë të favorshme edhe për zgjedhjet e ardhshme parlamentare, situata nuk duket aspak e mirë për opozitën, ku përveç shifrave që nuk i tregojnë konkurrues përballë PS, shumica dërrmuese e qytetarëve shqiptarë s’vlerësojnë as aksionin opozitar. 72.8% kanë vlerësim ‘negativ’ ose ‘anoj negativ’, ndërsa 27.2% kanë vlerësim ‘pozitiv’ ose ‘anoj pozitiv’.
Ndërkohë, qytetarët janë të ndarë pothuajse 50 me 50 për kabinetin e ri qeveritar! 22.3% ose 455 mijë qytetarë mendojnë se këto ndryshime do ta përmirësojnë qeverisjen, 27.7% ose 565 mijë thonë ‘Ndoshta po’. Ndërkohë, 27.2% ose 555 mijë qytetarë mendojnë se këto ndryshime ne qeveri nuk do të përmirësojnë qeverisjen, ndërsa 22.8% ose 465 mijë thonë ‘ndoshta jo’.
Të ftuar në studion e 'Repolitix' me gazetarin Denis Minga për të analizuar shifrat e sondazhit të Report Tv në bashkëpunim me sondazhistin Eduard Zaloshnja ishin Gent Malko, Flogert Muça dhe Erlis Çela.
Nëse ditën e sotme, 13 shtator, do të mbaheshin zgjedhjet parlamentare, Partia Socialiste do të korrte sërish fitore të padiskutueshme. 36.3% e qytetarëve, sipas sondazhit të Report Tv, do të votonin për t’i dhënë kryeministrit Edi Rama një tjetër mandat në krye të qeverisë, përkthyer në shifra 740 mijë qytetarë do të votonin për Partinë Socialiste.
Ajo çfarë tërheq vëmendjen është shifra e atyre që nuk do të votonin nëse sot do të mbaheshin zgjedhjet parlamentare. 30.1 % ose 615 mijë qytetarë nuk do të votonin nëse zgjedhjet parlamentare do të zhvilloheshin sot më 13 shtator.
Rithemelimi i Sali Berishës do dilte forcë e dytë duke marrë 21.6% të votave ose 440 mijë vota.
Ndërsa partitë e tjera, duke nisur nga PD zyrtare e Bashës, PL e Metës por dhe partitë e tjera nuk kalojnë as pragun 5%. Konkretisht 100 mijë qytetarë ose 4.9% do të votëbesonin Lulzim Bashën për kryeministër, ndërsa Partia e Lirisë do të merrte vetëm 75 mijë vota ose 3.4% të votave. 70 mijë qytetarë do të votonin për partitë e tjera të vogla.
Kryeministri Edi Rama mbetet politikani më i preferuar i qytetarëve shqiptarë. 40.0% ose 815 mijë qytetarë kanë opinion pozitiv për Edi Ramën, sipas gjetjeve të sondazhit të realizuar nga Report Tv. Pas kreut të qeverisë, politikani më i pëlqyer renditet Sali Berisha, 21% ose 430 mijë qytetarë kanë votuar për ish-kryeministrin.
I treti vjen Lulzim Basha me 4.7% dhe në fund mbetet Ilir Meta me 3.7%.
30.6% ose 625 mijë qytetarë nuk vlerësojnë asnjërin prej katër politikanëve.
Prej gati dy vitesh Partia Demokratike është fokusuar në luftën e brendshme duke lënë jashtë vëmendjes ‘aksionin opozitar’. Por tej kësaj, çfarë vlerësimi kanë qytetarët në përgjithësi për aktivitetin e opozitës?
Të pyetur nga Report Tv për sondazhin e realizuar në bashkëpunim me Eduard Zaloshnjën, shumica dërrmuese e qytetarëve vlerësojnë negativisht aktivitetin e opozitës. Konkretisht, 46.3% ose 945 mijë qytetarë janë përgjigjur ‘negativ’, ndërsa 26.5% ose 540 mijë qytetarë thonë ‘anoj negativ’.
Vetëm 16.2% ose 330 mijë qytetarë vlerësojnë pozitivisht aktivitetin e opozitës. 11.0% ose 540 mijë thonë ‘anoj pozitiv’.
Kryeministri Edi Rama është në mandatin e tretë të qeverisjes, por si e vlerësojnë qytetarët punën e qeverisë? Të pyetur nga Report Tv, në sondazhin e realizuar në bashkëpunim me Eduard Zaloshnjën, 20.3% ose 415 mijë qytetarë vlerësojnë pozitivisht punën e qeverisë.
Të pyetur se çfarë vlerësimi kanë për punën e qeverisë në përgjithësi deri më sot, 18.6% ose 380 mijë qytetarë thonë ‘anoj pozitivisht’, ndërsa 28.9% ‘anoj negativisht’. ‘Negativ’ janë përgjigjur 32.1% ose 655 mijë qytetarë.
Ndryshimet në qeveri të njoftuara më 4 shtator në Asamblenë e PS-së, të dekretuara nga presidenti dhe miratuar nga Kuvendi kanë qenë kryefjala e diskutimeve për këtë fillim shtatori.
Të pyetur nga Report Tv, qytetarët janë të pothuajse të ndarë 50 me 50 për këtë çështje.
22.3% ose 455 mijë qytetarë mendojnë se këto ndryshime do ta përmirësojnë qeverisjen, 27.7% ose 565 mijë thonë ‘Ndoshta po’. Ndërkohë, 27.2% ose 555 mijë qytetarë mendojnë se këto ndryshime ne qeveri nuk do të përmirësojnë qeverisjen, ndërsa 22.8% ose 465 mijë thonë ‘ndoshta jo’.
Çështja e Fredi Belerit, kryetarit të zgjedhur të Himarës i arrestuar, dy ditë përpara zgjedhjeve të vendore të 14 majit, nën akuzë për shitblerje të votës ka sjellë pasoja në marrëdhëniet me Greqinë.
Athina kërkon me ngulm dhe po bën presion duke kërcënuar dhe me pengim të integrimit në BE që Beleri të lejohet të bëjë betimin, ndonëse është në burg ndërsa qeveria Rama ka deklaruar se nuk mund të ndërhyjë në çështjen e drejtësisë. Por çfarë mendojnë qytetarët shqiptarë për këtë çështje?
Të pyetur nga Report Tv, në bashkëpunim me sondazhisitin Eduard Zaloshnja, shumica e tyre janë kundër betimit të Fredi Blelerit. Konkretisht, sipas rezultateve të sondazhit 75.0% ose 1.530.000 qytetarë janë kundër betimit të Fredi Belerit. 7.1% ose 145 mijë janë pro, 10.3% ose 210.000 thonë ‘Ndoshta Po’ dhe 7.6% ose 155.000 thonë ‘Ndoshta jo’.
Komente
Lajme të tjera
-
Jakin Marena: Dikur ‘ndaheshin’ për një pako kafe, sot për të shpëtuar pasurinë
3 Maj, 19:09
-
Dyshime për financime ruse dhe para të pista në periudhën kur PD drejtohej nga Berisha, SPAK zbarkon në KQZ
3 Maj, 14:19 -
Raporti i 'Reporterëve pa Kufij' për lirinë e medias, Rama: Marrim masa për të përmirësuar mjedisin mediatik dhe të drejtat e gazetarëve
3 Maj, 12:44 -
Afera ‘Partizani’/ Berisha dhe Malltezi vijojnë ‘burgun në shtëpi’, Apeli i GJKKO-së nuk pranon të ndryshojë masën e sigurisë! Avokati sulmon SPAK: Po sillet si parti politike
3 Maj, 12:10 -
Amnistia, Basha: ‘Atentat’ ndaj drejtësisë, liruan të korruptuarit! Manja u kap me presh në duar duke gënjyer! Meta? Kartë e djegur
3 Maj, 11:14 -
Rama dhe zv.kancelari gjerman mbajnë fjalimet për Çmimin e Karlit të Madh
3 Maj, 09:48 -
Rienergjizimi i PS, Rama mbledh në selinë rozë drejtuesit e qarqeve! I pranishëm edhe Veliaj
3 Maj, 09:26 -
'Frontline'/ Lita: Influencër të lidhur me Metën e Kryemadhin janë kontrolluar nga BKH! S’justifikojnë shtëpinë! Bregu: Dosja CEZ-DIA e mbyllur
2 Maj, 23:00 -
Mero Baze: Beteja për mitingun e Athinës po bëhet më e madhe se vet mitingu
2 Maj, 20:19
-
Romeo Kara: SPAK ta kishte kapur Metën dhe bandën e tij prej veshësh në majë të paraleles! S’ka lënë të zezë pa bërë, i duket vetja i paprekshëm
2 Maj, 18:17 -
Aerodromi i Gjirokastrës kthehet në qendër të turizmit sportiv
2 Maj, 17:51 -
Shqipëria kryeson në rritjen e trafikut ajror të pasagjerëve për muajin mars, Rama: Nga lart akoma më lart
2 Maj, 15:30
Force pare edi rama 2 force alfred moisiuv3 3 force Dom Dom doshi 4 forcE KATER FATOS NANO 5 FORCE PESTE LUZIM BASHA 6 FORCE GJADHTE ENERIK MEHMETI 7 FORCE SHTATE KRESHNIK SPAIU 8 FORCE TETE REXHEP MEJDANI 9 FORCE MARKE DODANI 10 FORCE SKENDER GJINUSHI 11 FORCE BJEMBEDHJETE GJERGJ HANA 12 FORCA DYMBEDHJETE ENDRI SHABANI 13 FORCE TREMBEDHJETE AMETE SHEHU FORCE14 SPARTAK GJELA 15 EDUART TANUSHI 16 FORCA GHASHTEMEDJETE DJALI ADIL CARCANI 17 FORCE SHTATEMEDHJE LEGA ZOGU 18 FOTCE TETEMEDHJETE DJALI RAMIZ ALIZ 19 FORCE 20 SKEBDER SHEHU 21 FORCA NHEZETENJE DJALI PIRO DOBIBA 22 FORCA NJEZETEDY DJALI VITO KAPO 23 FORCA NJEZETETRE DJALI BAHRI OMARI 24 ILIR META 25 NHEZETEPESTA DJALI PJETER ARBNORI 26FORCA NJEZETEGJASHTA MUHAMET KAPLLANI 27 NUEZETESHTATA NIKO LEZI NJEZETTA YLLU BUFI
PërgjigjuAkoma e ka fryk Berishën , ky që ben këtë sondazh
Përgjigjujam dakort,te vuaje denimin si bari ne malin e cikes...
PërgjigjuZoteria ne fjale te shtunen qe u arrestua per blerje votash ishte vetem nje kandidat pra qytetar normal nuk kishte imunitet ndaj si rrjedhoje veprimi i tij qe akuzohet sjell fitoren e tij si kryetar qe vjen pasi ai arrestohet pra nje veper kriminale nuk mund te jape imunitet ne te ardhmen ndaj besoj kjo shkon ne gjykat kushtetuese , sa per Grekun ata kane shume te drejte nuk do te pranojne shqiperine ne EU pasi pasaporta shqiptare nese hyn ne EU greqia humbet 1milion punetor qe jane shqiptar dhe ikin pastaj per ne EU ndaj humbet edhe faktorin pune ndaj besoj grekt do ta bllokojne deri kur tju vije amerika e cila nuk e konsideron as grekun as shqiperine ne politikat gjeopolitike pasi ballkan perendimor ku ne fakt vetem (Montenegri dhe Albania ) kane dalje west nga 6 shtete kjo tregon qe rajoni nuk mbetet me peng , besoj qe politika greke ka nje gabim nese grekt humbasin miqesine dhe faktorin mik me “shqiptare dhe shqiperi “ kjo tregon qe Shqiperia do anoje si aleat me italine dhe me gjermanine pasi edhe Italia e primo Meloni tregon qe e shikon shqiperine si partner aleat strategjik , mendoj qe greqia dhe Shqiperia do jene bashke ne EU duke u kordinuar votat dhe fondet kjo “lufte” minimaliste politike vetem sa i hedh te dy shtetet ne skaje vendimmarje , sot plot 20-30% e grekeve jane emigrant ne EU duke pasur keshtu 20% vende vakante dhe pritet flukse nga afrika dhe zona juglindore europes besoj grekt jane shum njerez mire dhe pozitiv por edhe politika greke duhet ta shikoje shqiperine me shume si kushurinj antik sesa nje lufte e padobishme. Sa per luften iliret shqiptar benin lufte me romen , dhe shume superfuqi ndaj me grekun besoj zgjidhet gjithcka me nje barazim pasi kjo histori jo vetem shqiperine qe nuk bllokon por as nje kanal te ujrave septike’ Grekt luajne karten e punesimit nje shqiperi ne 2025 ne EU eshte fakt qe 1 milion shqiptar rezident me leje pune ne Greqi pasi ju konvertohet ne EU passporta ikin pastaj ne Itali Franc etj dhe grekt mbesin pastaj me syte nga deti per ndonje vella afrikan qe kerkon pune ne ishullin e kryqit blu!
PërgjigjuPo fshtaret e kane votuar ama.
PërgjigjuBeleri eshte pis grek dhe do mbajtur ne burk,eshte antishqiptar,per sa i perket greqis un kam mendimin se i duhen thyer turinjt ,jemi ne qe duhet ti kerkojm shum gjera ,pra jan hesape per te lar me shqiperin
PërgjigjuBeleri ne burg eshte nje kosto per taksapaguesit! Duhet denuar me pune te detyrueshme! Cojeni te ruaj dhite ne malin e Cikes!