Një problem teknik i identifikuar gjatë kontrolleve përfundimtare të nisjes së raketës ngriti për pak kohë shqetësime për sigurinë e misionit Artemis II që rikthehet në orbitën e hënës, por u zgjidh me shpejtësi nga inxhinierët.

Fillimisht, gjatë verifikimeve u konstatua një defekt në komunikimin me Flight Termination System (sistemi i ndërprerjes së fluturimit), një mekanizëm sigurie që lejon kontrollorët në tokë të shkatërrojnë raketën në rast se ajo devijon nga trajektorja e parashikuar gjatë ngjitjes, për të mbrojtur sigurinë publike. NASA theksoi se funksionimi korrekt i këtij sistemi është thelbësor, pasi pa garancinë e tij, nisja nuk mund të kryhet.

Teknikët ndërhynë menjëherë, duke zhvilluar një metodë për verifikimin e sistemit dhe duke kryer testet përkatëse.

Vetëm pak minuta më vonë, u njoftua se problemi ishte zgjidhur. Inxhinierët riparuan komponentin hardëare që lidhet me sistemin e ndërprerjes së fluturimit dhe realizuan një test besueshmërie për të garantuar që gjithçka është gati për nisjen.


Lajmi kryesor:

Artemis II, misioni hapësinor i NASA-s niset drejt Hënës, rikthim historik pas 54 vitesh (VIDEO)