Cristiano Ronaldo është pa ekip. Largimi nga Manchester United ka bërë që ylli portugez të jetë në kërkim të një ekipi të ri në merkaton e janarit. Së fundmi "Relevo" në Spanjë bën me dije se 37-vjeçari është stërvitur në ambientet e Real Madrid.
"Cristiano Ronaldo është stërvitur në qendrën sportive të Real Madridit Valdebebas në orët e fundit", shkruan Relevo. Tifozët e Real Madrid tanimë kanë nisur spekulimet për një rikthim të mundshëm të Ronalos në La Liga me fanellën e "Galaktikëve". Kujtojmë se prej verës së 2009 dhe deri në verën e 2018 Ronaldo ishte pjesë e Real Madrid duke fituar 13 trofe, mes të cilave katër herë Champions League.