POP 5

Lajmet më të lexuara të 5 minutave të fundit

Kultura

‘Rikthim në traditë’, ekspozohen veshjet popullore shqiptare në Shkodër! Trashëgimia përmes narrativës kostumografike

“Rikthim në traditë, veshjet popullore të shqiptarëve” është ekspozita shëtitëse me mbi 100 foto të trashëgimisë kulturore shqiptare e cila u çel këtë herë në Shkodër. Ekspozita shpalos në memorie figura të rëndësishme historike dhe veçantitë e kostumeve e veshjeve popullore në periudha të ndryshme historike.

Mbi 100 foto të fondit të Arkivës Kombëtare që sjellin në restrospektivë trashëgiminë historike dhe kulturore të Shqipërisë përmes narrativës kostumografike erdhën në një ekspozitë “Rikthim në traditë, veshjet popullore të shqiptarëve” në qytetin e kulturës në Shkodër

Organizuar nga  Drejtoria e Përgjithshme e Arkivave në bashkëpunim me Bashkinë Shkodër ekspozita shëtitëse u hap këtë të mërkurë në sheshin para bashkisë së qytetit

Dinastia “Marubi”, larmia dhe veçantitë e kostumeve popullore të mbarë trevave shqiptare sjellin në memorie figura të rëndësishme historike nën petkun e veshjeve popullore si prijës fisnorë, njerëz të letrave, mbrojtës të trojeve amtare etj.

“Ekspozita është një punë e Drejtorisë së Përgjithshme të Arkivit. Ekspozita ka disa nënstruktura. Shtrihet sa nga Jugu në Veri, përfshihet dhe Shqipëria e Mesme, ka personazhe të ndryshme të politikës, të letrave. Përfshihen në një rubrikë të veçantë edhe kostumet e fëmijëve, kostumet e trojeve shqiptare pra praktikisht vjen një Shqipëri e përgjithshme në këtë ekspozitë përshi fototekën e familjes “Marubi”, tha kuratori i ekspozitës, Denald Prifti.

Ekspozita shëtitëse “Rikthim në traditë, veshjet popullore të shqiptarëve” ku rajoni i Shkodrës, prezantohet përmes fotove të dinastisë “Marubi” do të qëndroj e hapur përgjatë gjithës ditës së sotme për ta vazhduar rrugëtimin e saj në një tjetër qytet.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51