POP 5

Lajmet më të lexuara të 5 minutave të fundit

Kultura

‘RinArt’, studentët e Tiranës dhe Prishtinës çelin ekspozite të përbashkët me 400 piktura

Studentët e Arteve në Tiranë dhe Prishtinë vijnë me një ekspozite të përbashket pikture, me rastin e Festave të Nëntorit.

Ekspozita ‘Rin Art’ me rreth 400 punime është çelur në Serafan të Belshit dhe sipas ideatorit Helidon Haliti ka për qëllim fuqizimin e turizmit kulturor. Ndërsa skulptori Sadik Spahia tha se vlen dhe për të motivuar studentët.

“Diçka e jashtëzakonshme në fakt ndodh këto ditë në Dumre, është një gjë fantastike. Unë falenderoj shumë bashkinë e Belshit që na ka dhënë një suport të jashtëzakonshëm. Tani kaq vite që e ka hapur këtë nocion e ka bërë Belshin një  toskanë të dytë nuk diskutohet. Universiteti i Arteve erdhi gjithë në gjithe programet e veta dhe bëri në dy salla kaq te mëdhaja, ku tepricat e dikurshme janë pasuri për sot dhe sigurish investimet e reja", tha piktori Helidon Haliti

“Kjo ekspozitë është një rast që i jepet publikut për të kuptuar se cfar bëhet në Fakultetin e Arteve të Bukura. Në politiken që ka Fakulteti i Arteve te Bukura në qendër është studenti dhe ne do te bëjmë përpjekje e pandalshme maksimale për te motivu të gjithë studentet", tha skulptori Spahia.  

Punimet më të mira u vlerësuan me çmime, ndërsa studentët thanë se ekspozita është e rëndesishme për promovimin e tyre.

"Unë e fillova këtë aktivitet për të ekzpozuar me shumë punen time, dhe kam fituar çmim për kete gjë. Ky aktivitet është i organizuar nga shkolla dhe unë e ndjejë obligim dhe domosdoshmëri që punët artistike, sidomos të punuara në shkollë të ekspozohen ne keto aktivitete. Kështu që e kisha le te themi domosdoshmëri".

"Është shumë e rëndësishme për mua kam investuar shumë ne akuare, u bë gati tre ose kater vite që merrem me teknikën e akuarelit, fale profesor Helidonit që më ka ndohmuar shumë, edhe profesor Mondit jam këtu ku jam me çmimin që fitova."

" Është një emocion i papërshkueshëm nga puna e lodhshme që kemi bërë. Por falenderoj profesor e mi", thanë studentët.

Ekspozita "RINart" shfaq një gamë të gjerë punimesh nga tetë programe studimore, si fashion design, grafik dizajn, pikturë kavaleti, pikturë monumentale, fotografi, qeramikë, skulpturë dhe multimedia.

R.D/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Fier, neglizhuan mjekimin e pacientit dy vjet para, pezullohen 3 mjekët (EMRAT)

Fier, neglizhuan mjekimin e pacientit dy vjet para, pezullohen 3 mjekët (EMRAT)

26 Dhjetor, 13:40